Jawan VS Salaar : వచ్చే నెల రెండు భారీ సినిమాలు ఇండియన్ బాక్సాఫీస్ షేక్ చేసేందుకు రెడీ అయ్యాయి. అవే షారుక్ జవాన్-ప్రభాస్ సలార్. ఈ రెండు సినిమాలు చెరో రూ.1000కోట్లు సంపాదిస్తాయని ట్రేడ్ వర్గాలు అంచనాలు వేస్తున్నాయి. అయితే ఈ చిత్రాల రిలీజ్ డేట్ దగ్గరపడడం వల్ల.. ఈ సినిమా ఓవర్సీస్ ప్రీ రిలీజ్ బుకింగ్స్ వివరాలు బయటకు వస్తున్నాయి. అవి జోరుగా సాగుతున్నట్లు సమాచారం అందుతోంది.
Sharukh khan Jawan : పఠాన్ సినిమాతో ఇండస్ట్రీకి మాసివ్ బ్లాక్ బస్టర్ ఇచ్చారు బాలీవుడ్ బాద్షా షారుక్ ఖాన్. భారీ అంచనాల నడుమ ప్రేక్షకుల ముందుకొచ్చిన ఈ సినిమా.. బాక్సాఫీస్ వద్ద మంచి టాక్ అందుకోవడమే కాకుండా కలెక్షన్ల వర్షం కురిపించింది. ఆ సినిమా సక్సెస్ను ఆస్వాదిస్తూనే షారుక్ తన నెక్స్ట్ ప్రాజెక్ట్లోకి ఎంట్రీ ఇచ్చేశారు. రాజ రాణీ ఫేమ్ దర్శకుడు అట్లీ రూపొందిస్తున్న 'జవాన్' సినిమాలో లీడ్ రోల్ చేశారు. భారీ బడ్జెట్తో తెరకెక్కుతున్న ఈ మూవీలో మునుపెన్నడు లేని లుక్లో కనిపించి ప్రేక్షకులను ఆశ్చర్యపరిచారు. ఆడియెన్స్ అంచనాల నడుమ ఈ సినిమా సెప్టెంబర్ 7న పాన్ ఇండియా లెవెల్లో థియేటర్లలోకి రానుంది.
- " class="align-text-top noRightClick twitterSection" data="">
Jawan Advance Bookings : అయితే విడుదలకు ముందు నుంచే ఈ సినిమా బాక్సాఫీస్ ముందు రికార్డులు సృష్టిస్తోంది. ఈ క్రమంలో బుకింగ్స్ రిలీజ్ చేసిన 15 నిమిషాల్లోనే టికెట్లన్నీ పూర్తిగా అమ్ముడైపోయాయట. దీంతో నెట్టింట సంబరాలు చేసుకంటున్న అభిమానులు.. ఇక 'జవాన్' పక్కా హిట్ అంటూ కామెంట్లు పెడుతున్నారు. మరోవైపు ఈ సినిమా యూఎస్ఏ బుకింగ్స్ ఓ రేంజ్లో సాగుతున్నాయి. ట్రేడ్ వర్గాల సమాచారం ప్రకారం ఈ సినిమా యూఎస్ఏ అడ్వాన్స్ సేల్స్ 210,339 డాలర్లను వసూలు చేసిందట. ఇప్పటివరకు మొత్తం 450 లొకేషన్స్లో 13,750 టికెట్లు బుక్ అయ్యాయట. సినిమాకు రిలీజ్కు ఇంకా 11 రోజుల సమయం ఉంది. కాబట్టి ఈ సంఖ్య మరింత పెరిగే అవకాశం ఉంది.
