IFFM Awards 2023 Sita Ramam : సాధారణ సినిమాగా విడుదలైన 'సీతారామం'.. ప్రేక్షకుల మదిని కన్నీటితో బరువెక్కించింది. ఈ మధుర ప్రేమ కావ్యం సినీ అభిమానులను అలరించి దేశవ్యాప్తంగా ఘన విజయం సాధించింది. పలు అవార్డులు సైతం అందుకుంది. హను రాఘవపూడి దర్శకుడుగా తెరక్కెకిన ఈ చిత్రంలో సీత, రామ్‌గా మృణాల్ ఠాకూర్, దుల్కర్ సల్మాన్ చెప్పిన ప్రతి మాట.. పలికించిన ప్రతి భావాన్నీ ప్రేక్షకులు ఆస్వాదించారు. అప్పట్లో తమకు నచ్చిన సన్నివేశాలను సోషల్‌మీడియాలో షేర్‌ చేస్తూ సినిమాపై తమ ప్రేమను చాటుకుంటున్నారు కూడా. తాజాగా ఈ రొమాంటిక్ పిరియాడిక్ డ్రామాను మరో అవార్డు వరించింది. ఇండియన్ ఫిల్మ్ ఫెస్టివల్ ఆఫ్ మెల్బోర్న్- ఐఎఫ్ఎఫ్ఎమ్ అవార్డు వేడుకల్లో ఉత్తమ చిత్రంగా నిలిచింది.
దీంతో పాటు 'మిసెస్ ఛటర్జీ వర్సెస్ నార్వే' సినిమాకు గానూ బాలీవుడ్ స్టార్ హీరోయిన్ రాణి ముఖర్జి ఉత్తమ నటి అవార్డు అందుకున్నారు. 'ఆగ్రా' చిత్ర నటుడు మోహిత్ అగర్వాల్ ఉత్తమ నటుడిగా నిలిచారు. ఉత్తమ ఇండీ చిత్రంగా 'ఆగ్రా', ఉత్తమ దర్శకుడిగా పృథ్వీ కొననూర్ అవార్డు అందుకున్నారు. వీటితో పాటు వివిధ కేటగిరిల్లో పలు వెబ్సిరీస్లకు కూడా అవార్డులు ప్రధానం చేశారు. చిత్ర పరిశ్రమలో నిర్మాతగా 25 ఏళ్లు పూర్తి చేసుకున్న సందర్భంగా కరణ్ జోహార్ను సత్కరించారు. ఇక నటుడు కార్తిక్ ఆర్యన్కు రైజింగ్ గ్లోబల్ సూపర్ స్టార్ ఆఫ్ ది ఇండియన్ సినిమా ట్రోఫీని అందించారు.
ఇండియన్ ఫిల్మ్ ఫెస్టివల్ ఆఫ్ మెల్బోర్న్అవార్డ్స్ - 2023
సినిమా కేటగిరి :
- ఉత్తమ చిత్రం - సీతారామం
- ఉత్తమ నటి - రాణి ముఖర్జి (మిసెస్ ఛటర్జీ వర్సెస్ నార్వే)
- ఉత్తమ నటుడు - మోహిత్ అగర్వాల్ (ఆగ్రా)
- ఉత్తమ ఇండీ ఫిల్మ్ - ఆగ్రా
- ఉత్తమ దర్శకుడు - పృథ్వీ కొననూర్
గౌరవ పురస్కారాలు :
- ఈక్వాలిటీ ఇన్ సినిమా అవార్డు - డార్లింగ్స్ (నెట్ఫ్లిక్స్ సినిమా)
- పీపుల్స్ ఛాయిస్ అవార్డు - పఠాన్
- డైవర్సిటీ ఇన్ సినిమా అవార్డు - మృణాల్ ఠాకూర్ (సీతారామం)
వెబ్సిరీస్ కేటగిరి :
- ఉత్తమ సిరీస్ - జుబిలీ
- ఉత్తమ నటుడు - విజయ్ వర్మ (దహాద్)
- ఉత్తమ నటి - రాజశ్రీ దేశ్పాండే (ట్రయల్ బై ఫైర్)
- ఉత్తమ డాక్యుమెంటరీ - టు కిల్ ఎ టైగర్
- డిస్రప్టర్ అవార్డు - భూమి పెడ్నేకర్
- రెయిన్బో స్టోరీస్ అవార్డు - ఒనిర్ (పైన్ కోన్)
SIIMA 2023 Nominations : 'సీతారామం'కు 10 నామినేషన్లు.. మరి RRR?
