దర్శకధీరుడు రాజమౌళి, సూపర్ స్టార్ మహేశ్ బాబు కాంబినేషన్లో రానున్న సినిమా గురించి అదిరిపోయే వార్త బయటకు వచ్చింది. ఈ సినిమా కోసం జక్కన్న హాలీవుడ్ నుంచి ఒక స్టార్ యాక్టర్ ను రంగంలోకి దించబోతున్నట్లు వార్తలు వినిపిస్తున్నాయి.
ఎక్స్ఎక్స్ఎక్స్, కెప్టెన్ మార్వెల్, స్టార్ వార్స్, జురాసిక్ పార్క్, స్పైడర్ మ్యాన్, అవెంజర్స్, కెప్టెన్ అమెరికా వంటి హిట్ చిత్రాల్లో నటించిన ప్రముఖ హాలీవుడ్ నటుడు శామ్యూల్ ఎల్ జాక్స్ను తీసుకోబోతున్నట్లు జోరుగా ప్రచారం సాగుతోంది. అయితే ఈ వార్తలో ఎంత నిజమున్నదో తెలియాలంటే, అధికారిక ప్రకటన వచ్చే వరకు వేచి చూడాల్సిందే. కాగా, ఈ నటుడు ఒక్కో చిత్రానికి కనీసం రూ.80కోట్లు నుంచి 160కోట్లు రెమ్యునరేషన్ను తీసుకుంటాడు. కాగా, ఇటీవలే రాజమౌళి మహేశ్ సినిమా ఎలా ఉండబోతుందో తెలిపారు. 'ప్రపంచాన్ని చుట్టి వచ్చే సాహసికుడి కథ' అంటూ యాక్షన్‌ అడ్వెంచర్‌ మూవీగా ఇది ఉంటుందని పేర్కొన్నారు. ఈ చిత్రాన్ని పాన్‌ ఇండియా స్థాయిలో కె.ఎల్.నారాయణ నిర్మించనున్నారు. ప్రస్తుతం ఈ చిత్రానికి సంబంధించిన పూర్వ నిర్మాణ పనులు సాగుతున్నాయి.
ఇదీ చూడండి: విదేశాల్లో 'చెన్నకేశవరెడ్డి' హంగామా.. పవన్, మహేశ్ కలెక్షన్ రికార్డులు బ్రేక్!
