అక్కినేని నాగార్జున.. టాలీవుడ్లో ఈ పేరుకున్న క్రేజ్ అంతా ఇంతా కాదు. అటు మాస్ ఇటు క్లాస్ అభిమానులను సొంతం చేసుకున్నారాయన. అయితే మిగతా వారసుల్లానే తన కొడుకులు నాగ చైతన్య, అఖిల్ను కూడా బడా స్టార్లుగా తీర్చిదిద్దటానికి నాగార్జున గట్టిగానే ప్లాన్ చేశారు. కానీ అది అనుకున్నంత స్థాయిలో జరగలేదనే చెప్పాలి! చైతూ లవర్ బాయ్గా.. మీడియం రేంజ్ సినిమాలు చేస్తూ ప్రస్తుతం కెరీర్లో రాణిస్తున్నారు. మాస్ ఇమేజ్ కోసం ప్రయత్నాలు చేసినా అవి వర్కౌట్ కాలేదు. ప్రస్తుతం తన కెరీర్లో హైయెస్ట్ బడ్జెట్తో 'కస్టడీ' చిత్రం చేస్తున్నారు. ఇది ఏమైనా చైతూ ఇమేజ్ను మారుస్తుందేమో చూడాలి.
ఇకపోతే భారీ అంచనాలతో లాంచ్ అయ్యారు అఖిల్. ఆయన కూడా ఇప్పటివరకు కెరీర్లో భారీ హిట్ను అందుకోలేకపోయారు. రీసెంట్గా 'మోస్ట్ ఎలిజిబుల్ బ్యాచిలర్'తో తన కెరీర్లో ఓ మోస్తరు విజయాన్ని అందుకున్నారు. ఆయన కూడా లవర్ బాయ్ ఇమేజ్తోనే కొనసాగుతున్నారు. అయితే ఇప్పుడు ఆయన ఏజెంట్తో మాస్ అండ్ భారీ హిట్ను అందుకోవాలని గట్టి ప్రయత్నాలు చేస్తున్నారు. ఇందుకోసం మేకోవర్, లుక్స్, స్టైల్ అన్నీ మార్చేశారు. అయితే అఖిల్ విషయంలో నాగార్జున కాస్త సైలెంట్గా ఉంటున్నట్లు కనిపిస్తోంది. గ్రాండ్గా రూపొందిన 'అఖిల్', 'హలో' చిత్రాల ప్రమోషన్స్లో కనిపించిన ఆయన.. ఆ తర్వాత మిస్టర్ మజ్ను, మోస్ట్ ఎలిజిబుల్ బ్యాచిలర్ సినిమాల విషయాల్లోనూ కాస్త కనిపించారు. మొదటి రెండు సినిమాల కలెక్షన్లు డీలా పడినప్పటికీ.. మజ్ను, బ్యాచిలర్ సినిమా వూసూళ్ల విషయంలో నిర్మాతలు సేఫ్! కానీ 'ఏజెంట్' అలా కాదు. ఏకంగా రూ.80 కోట్ల బడ్జెట్తో రూపొందించారని టాక్ నడుస్తోంది. ఇప్పటికే రిలీజైన పోస్టర్స్, టీజర్, ట్రైలర్ కూడా బాగానే ఆకట్టుకున్నాయి.
అయితే అఖిల్ లాస్ట్ హిట్ సినిమా 'మోస్ట్ ఎలిజిబుల్ బ్యాచిలర్' కలెక్షన్స్.. 'ఏజెంట్' సినిమా బడ్జెట్లో సగం అయినా ఉంటుందో లేదో కానీ.. ఈ సారి మాత్రం అఖిల్తో అంత భారీ బడ్జెట్తో సినిమా తీయడం చిన్న విషయం కాదు. మరి ఇంత భారీ సినిమా గురించి, ప్రమోషన్స్ విషయంలో ఇంతవరకు నాగ్ మాత్రం ఏమీ మాట్లాడినట్లు కనిపించలేదు! సైలెంటుగానే ఉంటున్నారు. ప్రమోషన్స్లో ఇంతవరకు భాగస్వామ్యం అవ్వలేదు. 'ఏజెంట్' ప్రీ రిలీజ్ ఈవెంట్‌కు కూడా చీఫ్ గెస్ట్గా ప్రభాస్ వస్తారని అంటున్నారే కానీ.. నాగ్ పేరు వినపడట్లేదు. చూడాలి మరి ప్రీ రిలీజ్కు ఏమైనా వస్తారా? లేదా మూవీ సక్సెస్ అయితే మాట్లాడతారా అనేది.
ఇదీ చూడండి: మన హీరోలు.. ఒక్కరిగా కాదు.. ఇద్దరుగా వచ్చేస్తున్నారు..
