Mahesh Babu New Look: 'స‌ర్కారు వారి పాట' సినిమా తర్వాత పూర్తిగా ఫ్యామిలీకి ఎక్కువ స‌మ‌యాన్ని కేటాయించారు హీరో మహేశ్ బాబు. కుటుంబ‌స‌భ్యుల‌తో క‌లిసి విదేశాలకు వెళ్లి వచ్చారు. లండ‌న్‌, యూర‌ప్‌తో పాటు ప‌లు దేశాల‌ను ప‌ర్య‌టించారు. ప్ర‌స్తుతం ఈ టూర్స్ ముగించుకున్న ఆయన.. త్వ‌ర‌లోనే త్రివిక్ర‌మ్ సినిమా షూటింగ్లో పాల్గొనబోతున్నారు. ఇందులో మహేశ్ లుక్ ఎలా ఉంటుందోనని ఆయన అభిమానులు ఆస‌క్తిగా ఎదురుచూస్తున్నారు.
అయితే అభిమానులకు తన కొత్త స్టిల్ ద్వారా ఓ క్లారిటీ ఇచ్చారు మహేశ్ బాబు. సోమ‌వారం మహేశ్ షేర్ చేసిన న్యూ లుక్ ఫొటో సోష‌ల్‌మీడియాలో వైర‌ల్‌గా మారింది. ఇందులో లైట్గా గ‌డ్డం, మీసంక‌ట్టుతో స్టైలిష్‌గా మహేశ్ క‌నిపిస్తున్నారు. 'లవింగ్ ది న్యూ వైబ్' అంటూ ఫొటోకు క్యాప్షన్ ఇచ్చారు. అయితే ఆ తర్వాత మహేశ్ లుక్ను సంగీత దర్శకుడు త‌మ‌న్, డైరెక్టర్ తివ్రిక్రమ్.. 'ఎస్ఎస్ఎమ్‌బీ 28' హ్యాష్ ట్యాగ్ ఇచ్చి ట్వీట్ చేశారు. దీంతో త్రివిక్ర‌మ్ సినిమాలో మ‌హేష్ ఈ లుక్‌లోనే క‌నిపించ‌నున్నారంటూ ఓ చిన్న క్లారిటీ ఇచ్చేశారు.
-
Loving the new vibe... 😎@jatinkampani @AalimHakim #AnishaJain #NamrataShirodkar pic.twitter.com/g6MZ23DzcP
— Mahesh Babu (@urstrulyMahesh) August 14, 2022 " class="align-text-top noRightClick twitterSection" data="
">Loving the new vibe... 😎@jatinkampani @AalimHakim #AnishaJain #NamrataShirodkar pic.twitter.com/g6MZ23DzcP
— Mahesh Babu (@urstrulyMahesh) August 14, 2022Loving the new vibe... 😎@jatinkampani @AalimHakim #AnishaJain #NamrataShirodkar pic.twitter.com/g6MZ23DzcP
— Mahesh Babu (@urstrulyMahesh) August 14, 2022
అంతకుముందు శ‌నివారం మహేశ్ బాబు ఓ యాడ్ షూట్‌లో పాల్గొన్నారు. ఆ ఫొటోల‌ను ఆయన స‌తీమ‌ణి న‌మ‌త్ర ఇన్‌స్టాగ్రామ్‌లో పోస్ట్ చేశారు. 'అత‌డు','ఖ‌లేజా' తర్వాత మ‌హేశ్బాబు, దర్శకుడు త్రివిక్ర‌మ్ క‌ల‌యిక‌లో తెర‌కెక్కుతున్న ఈ సినిమాను హారిక,హాసిని క్రియేష‌న్స్ సంస్థ నిర్మిస్తోంది. యాక్ష‌న్ ఎంట‌ర్‌టైన‌ర్‌గా ఈ సినిమా రూపొంద‌నున్న‌ట్లు స‌మాచారం. పూజాహెగ్డే హీరోయిన్గా నటించనున్నారు.
ఇవీ చదవండి: ఆ సూపర్హిట్ ద‌ర్శ‌కుడితో సినిమా చేస్తానంటున్న రౌడీ హీరో
