Hanuman Movie Director Interview : టాలీవుడ్ యంగ్ హీరో తేజ సజ్జ లీడ్ రోల్లో తెరకెక్కిన లేటెస్ట్ మూవీ 'హనుమాన్'. డైరెక్టర్ ప్రశాంత్ వర్మ ప్రతిష్టాత్మకంగా రూపొందించిన ఈ మూవీ ముందుగా అనౌన్స్ చేసినట్టుగానే 2024 జనవరి 12న 11 భాషల్లో రిలీజ్ కానుంది. ఈ నేపథ్యంలో ఇప్పటికే విడుదలైన సాంగ్స్, ట్రైలర్ ప్రేక్షకులను ఆకట్టుకోగా, మూవీ టీమ్ కూడా పలు ఇంటర్వ్యూల్లో పాల్గొని సందడి చేస్తోంది. అలా తాజాగా మూవీ డైరెక్టర్ ప్రశాంత్ వర్మ రీసెంట్గా ఓ ఇంటర్వ్యూలో పాల్గొన్నారు. అంతే కాకుండ ఈ సినిమా గురించి పలు ఇంట్రెస్టింగ్ విషయాలు షేర్ చేసుకున్నారు.
అయితే 'హనుమాన్' సినిమా 2024 సంక్రాంతి బరిలో నిలిచింది. అదే రోజు మహేశ్-త్రివిక్రమ్ కాంబోలో తెరకెక్కుతున్న 'గంటూరు కారం' సినిమా రావడం వల్ల 'హనుమాన్'ను వాయిదా వేసుకోవాలంటూ ఇప్పటికే పలువురు మూవీ టీమ్ను సంప్రదించారంటూ ఆయన వెల్లడించారు. అంతే కాకుండా తమ సినిమాకు ఎవరో తెలియని వ్యక్తులు అడ్డంకులు సృష్టిస్తున్నారని, రీసెంట్గా సెన్సార్ విషయంలోనూ కూడా ప్రాబ్లమ్స్ క్రియేట్ చేశారంటూ ప్రశాంత్ ఆవేదన వ్యక్తం చేశాడు. అయితే ముందుగా అనుకున్నట్లే 'హనుమాన్' మూవీ సంక్రాంతి పోటీలోనే ఉన్నట్లు ప్రశాంత్ స్పష్టం చేశారు.
ప్రీ రిలీజ్ ఈవెంట్కు ప్రభాస్: మరోవైపు సినిమా విడుదల తేదీ దగ్గరపడుతున్నందున నేపథ్యంలో మూవీ టీమ్ ఇప్పటికే ప్రమోషన్స్ ముమ్మరం చేయగా, దీంతో పాటు త్వరలోనే ఓ గ్రాండ్ ప్రీ రిలీజ్ ఈవెంట్ను రెడీ చేస్తోందట. అయితే ఈ ఈవెంట్కు రెబల్ స్టార్ ప్రభాస్ను ముఖ్యతిథిగా తీసుకొచ్చేందుకు తనతో పాటు తన మూవీ టీమ్ ప్రయత్నిస్తోందంటూ ప్రశాంత్ చెప్పారు.
ఇటీవలే ఈ సినిమాకు సంబంధించిన ట్రైలర్ ప్రేక్షకులను ఆకట్టుకుంది. 'కలియుగంలో ధర్మం కోసం పోరాడే ప్రతి ఒక్కరి వెంట హనుమాన్ ఉంటాడు' అంటూ సాగే ఈ ట్రైలర్ కట్ మూవీ లవర్స్లో ఆసక్తి, అంచనాలను నింపింది. ఉంది. ఇక ఈ సినిమాలో తేజ సజ్జతో పాటు అమృతా అయ్యర్, వరలక్ష్మీ శరత్ కుమార్ లాంటి స్టార్స్ కీలక పాత్రలు పోషిస్తున్నారు.
- " class="align-text-top noRightClick twitterSection" data="">
VFX వండర్స్, BGM థండర్స్- హాలీవుడ్ లెవెల్లో 'హనుమాన్' ట్రైలర్
