Gunturukaram Shooting : సూపర్ స్టార్ మహేశ్ బాబు అభిమానులకు గుడ్ న్యూస్ అందింది. నిన్నటి వరకు బ్రేక్లో ఉన్న 'గుంటూరు కారం' మూవీ షూటింగ్ ఎట్టకేలకు ప్రారంభమైనట్లు సమాచారం అందింది. నేడు(ఆగస్ట్ 17) హైదరాబాద్లో షూటింగ్ కొత్త షెడ్యూల్ ప్రారంభించారని తెలిసింది. కొత్త సినిమాటోగ్రాఫర్ ఎవరనే సస్పెన్స్ కూడా వీడింది.
గత కొంతకాలంగా గుంటూరు కారం చిత్రానికి పనిచేసిన సినిమాటోగ్రాఫర్ పీఎస్ వినోద్ తప్పుకున్నారని ప్రచారం సాగిన సంగతి తెలిసిందే. దీనిపై పెద్ద చర్చే సాగింది. అలాగే మహేశ్ బాబు కూడా కుటుంబంతో కలిసి ఫారెన్ టూర్కు వెళ్లడం, సినిమాటోగ్రాఫర్ లేకపోవడం వంటి కారణాలతో సినిమా చిత్రీకరణ కొద్ది రోజుల నుంచి నిలిచిపోయింది.
Gunturukaram New Cinematographer : దీంతో సినిమా ఎప్పుడు షురూ అవుతుందోనని అభిమానులు చాలా టెన్షన్ పడ్డారు. కొత్త సినిమాటోగ్రాఫర్ ఎవరు? అన్న ఆసక్తి కూడా అందరిలో ఎక్కువగా నెలకొంది. ఈ క్రమంలోనే కొత్త సినిమాటోగ్రాఫర్గా మనోజ్ పరమహంస బాధ్యతలు తీసుకుంటారని వార్తలు కూడా వచ్చాయి. అలానే ఇప్పుడు.. ఆయనే సినిమాటోగ్రాఫర్గా షూటింగ్ షురూ చేసింది మూవీటీమ్. హైదరాబాద్లో షూటింగ్ జరిగిందట.
పరమహంస గురించి ప్రత్యేకంగా చెప్పనక్కర్లేదు. ఆయన విజువల్ స్టోరీ టెల్లింగ్ స్కిల్స్ టాలెంట్ అద్భుతంగా ఉంటుంది. ఏమాయ చేశావే, రేసుగుర్రం, రాధేశ్యామ్, బీస్ట్ సహా పలు చిత్రాలకు సినిమాటోగ్రాఫర్గా పని చేశారు. ప్రస్తుతం దళపతి విజయ్ లియోకు వర్క్ చేస్తున్నారు. ఇప్పుడు గుంటూరు కారంకు చేస్తున్నారు.
అయితే కథ ఇక్కడే అయిపోలేదు. అసలు ఛాలెంజ్ ఇప్పుడే మొదలైంది. ఈ సినిమాను మొదటి నుంచి వచ్చే ఏడాదికి సంక్రాంతికి ప్రేక్షకుల ముందుకు తీసుకొస్తామని మూవీటీమ్ చెబుతోంది. అంటే మరో నాలుగు నెలల్లో చిత్రీకరణ పూర్తి చేయాలి. ఈ భారమంత ఇక దర్శకుడు త్రివిక్రమ్పైనే ఉంటుంది. చూడాలి మరి గురూజీ ఏం చేస్తారో. ఇకపోతే ఈ సినిమాలో శ్రీలీల, మీనాక్షి చౌదరి హీరోయిన్లుగా కనిపించనున్నారు. తమన్ సంగీతం అందిస్తున్నారు. ఇప్పటికే విడుదలైన పోస్టర్లు, గ్లింప్స్ అభిమానులను బాగానే ఆకట్టుకున్నాయి.
Mahesh Babu Guntur Karam : 'గుంటూరు కారం' కొత్త పోస్టర్స్.. ఏంది సార్ మళ్లీ ఈ కన్ఫ్యూజన్!
