Tollywood Movies In Summer 2024 : రానున్న వేసవి కాలంలో చల్లదనాన్ని ఇచ్చేందుకు పాన్ ఇండియా సినిమాలు రెడీ అవుతున్నాయి. ఇందులో భాగంగా బాక్సాఫీస్ బరిలోకి తమ సత్తాను చాటేందుకు రెబల్ స్టార్ ప్రభాస్, మెగా పవర్స్టార్ రామ్ చరణ్, యంగ్ టైగర్ జూనియర్ ఎన్టీఆర్, ఐకాన్ స్టార్ అల్లు అర్జున్ ముందుకొచ్చారు. ఇప్పటికే తమ నటనతో పాన్ ఇండియా లెవెల్లో స్టార్డం తెచ్చుకున్న ఈ హీరోలు.. ఈ సారి మరిన్ని కొత్త సినిమాలతో బక్సాఫీస్ బద్దలు కొట్టేందుకు రెడీ అవుతున్నారు. దాదపు రెండు, మూడు వారాల గ్యాప్‌లోనే తమ సినిమాల విడుదల చేసేందుకు సన్నాహాలు చేస్తున్నారు.
Ram Charan Game Changer Movie : 'ఆర్ఆర్ఆర్' తర్వాత మెగా పవర్స్టార్ రామ్ చరణ్.. శంకర్ దర్శకత్వంలో తెరకెక్కుతున్న 'గేమ్ ఛేంజర్' సినిమాలో నటిస్తున్నారు. ఇండియాతో పాటు ఫారిన్లోనూ పలు లొకేషన్లలో శరవేగంగా షూటింగ్ జరుపుకుంటున్న ఈ సినిమా వచ్చే ఏడాది విడుదల చేసే సన్నాహాలు చేస్తున్నారు మేకర్స్. అయితే రిలీజ్ డేట్పై ఇప్పటివరకు క్లారిటీ లేనప్పటికీ.. 2024 మార్చి రెండు లేదా మూడో వారంలో విడుదలయ్యే సూచనలు కనిపిస్తున్నాయి.
- " class="align-text-top noRightClick twitterSection" data="">
Jr NTR Devara Movie : మరోవైపు యంగ్ టైగర్ ఎన్టీఆర్, కొరటాల శివ కాంబోలో రూపొందుతున్న 'దేవర' సినిమా ఏప్రిల్ 5న విడుదల కానుంది. అయితే ఈ సినిమా సెట్స్ మీదకి వెళ్లకముందే రిలీజ్ డేట్ను ఖరారు చేసిన మూవీ మేకర్స్ ఇప్పటికీ అదే రోజు విడుదల చేసేందుకు రెడీగా ఉన్నారు.
- " class="align-text-top noRightClick twitterSection" data="">
Allu Arjun Pushpa 2 Movie : ఇక ఇదే నెలలో ఐకాన్ స్టార్ అల్లు అర్జున్- లెక్కల మాస్టర్ సుకుమార్ కాంబినేషన్లో తెరకెక్కుతున్న 'పుష్ప-2' సినిమా కుడా రిలీజయ్యే అవకాశాలున్నాయంట. ఏప్రిల్ ఆఖరిలో ఎప్పుడైనా సరే ఈ సినిమా థియేటర్లలో సందడి చేసే సూచనలు కనిపిస్తున్నాయని సినీ వర్గాల టాక్.
- " class="align-text-top noRightClick twitterSection" data="">
Prabhas Kalki 2898 AD Movie : మరోవైపు రెబల్ స్టార్ ప్రభాస్ లీడ్ రోల్లో తెరకెక్కుతున్న భారీ బడ్జెట్ మూవీ 'కల్కి-2898 ఏడీ' కూడా మే నెలలో విడుదలయ్యే సూచనలు కనిపిస్తున్నాయి. వాస్తవానికి ఈ సినిమా వచ్చే ఏడాది సంక్రాంతికి విడుదలవుతుందని మూవీ మేకర్స్ ఎప్పుడో చెప్పేశారు. కానీ పోస్ట్ ప్రొడక్షన్ కారణంగా ఈ సినిమా ఇప్పుడు అనుకున్న తేదీలో కాకుండా మే 9న థియేటర్లోకి రానుందని సినీ వర్గాల టాక్. అయితే ఈ విషయంపై ఇప్పటి వరకు మూవీ మేకర్స్ ఎటువంటి అప్డేట్ ఇవ్వలేదు.
- " class="align-text-top noRightClick twitterSection" data="">
ఇలా రానున్న సమ్మర్ మొత్తం భారీ బడ్జెట్ మూవీస్తో సందడి చేయనుంది. ఇక ప్రభాస్, చరణ్, బన్నీ, తారక్ లాంటి టాప్ స్టార్స్ సినిమా అంటే ముందు నుంచే పండుగ వాతావరణం నెలకొంటోంది. దీంతో ఫ్యాన్స్ సైతం ఈ సినిమాల రిలీజ్ కోసం ఆతృతగా ఎదురుచూస్తున్నారు.
