హరిహర వీరమల్లు, భవదీయుడు భగత్ సింగ్ తర్వాత పవన్ కల్యాణ్ ఏ ప్రాజెక్ట్ అనౌన్స్ చేస్తారా అనే ఆసక్తి ఫ్యాన్స్లో నెలకొంది. అయితే ఇప్పటికే హరిహర వీరమల్లు షూటింగ్లో బిజీగా ఉన్న పవన్ ఓ వైపు సినిమాలు మరోవైపు రాజకీయాలను బ్యాలెన్స్ చేస్తున్నారు. అయితే డీవీవీ ఎంటర్టైనమెంట్ సంస్థ తాజాగా పవన్కు సంబంధించిన ఓ నయా పోస్టర్ను విడుదల చేసింది. సాహో డైరక్టర్ సుజీత్ దర్శకత్వంలో తెరకెక్కుతున్న ఈ చిత్రానికి సినిమాటోగ్రఫర్గా రవి చంద్రన్ వ్యవహరిస్తున్నారు. 'ఆయన్ను ఓజీ(ఒరిజినల్ గ్యాంగ్స్టర్) అని పిలుస్తుంటారు' అనే క్యాప్షన్తో రిలీజ్ అయిన ఈ పోస్టర్ ప్రస్తుతం నెట్టింట్లో హల్చల్ చేస్తోంది. ఆర్ఆర్ఆర్ తర్వాత డీవీవీ బ్యానర్లో తెరకెక్కిస్తున్న ప్రాజెక్ట్ అయినందున ఫ్యాన్స్ ఎంతో ఉత్కంఠగా ఎదురుచూస్తున్నారు.
వీరమల్లు షూటింగ్ శరవేగం..
పవర్స్టార్ పవన్ కల్యాణ్ ప్రస్తుతం నటిస్తున్న చిత్రం 'హరి హర వీరమల్లు'. క్రిష్ జాగర్లమూడి దర్శకత్వంలో రూపొందుతున్న ఈ పాన్ ఇండియా పీరియాడిక్ డ్రామా మూవీ వచ్చే ఏడాది మార్చిలో థియేటర్లలోకి రాబోతోంది. ఇప్పటికే విడుదలైన గ్లింప్స్‌ సినిమాపై అంచనాల్ని పెంచేశాయి. పవన్ సరసన నిధి అగర్వాల్ నటిస్తున్నారు. ప్రస్తుతం ఈ సినిమా షూటింగ్ శరవేగంగా సాగుతోంది.
