'మౌనంగా ఉన్నా.. అనారోగ్యంతో కాదు'.. ప్రముఖ నటుడి వీడియో సందేశం

బాలీవుడ్​ ప్రముఖ నటుడు ధర్మేంద్ర తన ఆరోగ్యంపై వస్తున్న వార్తలను ఖండిస్తూ ట్విట్టర్​ వేదికగా ఓ వీడియో విడుదల చేశారు. తాను మౌనంగా ఉన్నానని.. అనారోగ్యంతో కాదంటూ అభిమానులకు సూచించారు. తప్పుడు వార్తలను నమ్మొద్దని పేర్కొన్నారు.

తన ఆరోగ్యంపై వస్తున్న వార్తలను ఖండించారు బాలీవుడ్​ ప్రముఖ నటుడు ధర్మేంద్ర. సానుకూల ఆలోచనలతో ఉండాలని, తప్పుడు వార్తలకు అవకాశం ఇవ్వొద్దంటూ తన అభిమానులకు సామాజిక మాధ్యమాల వేదికగా ఓ వీడియో విడుదల చేశారు. తన ట్విట్టర్​ పేజీలో 42 సెకన్ల వీడియోను పోస్ట్​ చేశారు 86 ఏళ్ల ధర్మేంద్ర. తన ఆరోగ్యంపై మీడియాలో వస్తున్న వార్తలతో కాస్త బాధపడ్డానని, కానీ, తాను అనారోగ్యానికి గురి కాలేదని స్పష్టం చేశారు.

• Friends, With Love to You All 💕. pic.twitter.com/o4mXJSBDyF

  — Dharmendra Deol (@aapkadharam) June 6, 2022 " class="align-text-top noRightClick twitterSection" data="

  Friends, With Love to You All 💕. pic.twitter.com/o4mXJSBDyF

  — Dharmendra Deol (@aapkadharam) June 6, 2022

  ">

  Friends, With Love to You All 💕. pic.twitter.com/o4mXJSBDyF

  — Dharmendra Deol (@aapkadharam) June 6, 2022

"మిత్రులారా, సానుకూలంగా ఉండండి, సానుకూలంగా ఆలోచించండి. అప్పుడే జీవితం సానుకూలంగా ఉంటుంది. నేను మౌనంగా ఉన్నా.. కానీ అనారోగ్యంతో కాదు. పుకార్లు పుట్టుకొస్తూనే ఉన్నాయి. "

- ధర్మేంద్ర, బాలీవుడ్ దిగ్గజ​ నటుడు.

1969లో వచ్చిన తన సినిమా ఆయా సావన్​ ఝూమ్​ కేలోని బురా మత్​ సునో లిరిక్స్​ను సూచిస్తూ.. అభిమానులకు జాగ్రత్తగా ఉండాలని తెలిపారు. 'ఒకరినినొకరు ప్రేమించుకుంటే.. ఒకరిపై ఒకరికి మంచి అభిప్రాయం ఉంటుంది. జీవితం అందంగా ఉంటుంది'అని పేర్కొన్నారు ధర్మేంద్ర.

అంతకుముందు ధర్మేంద్ర ఆరోగ్యంపై వస్తున్న వార్తలను ఖండించారు ఆయన కుమారులు సన్ని, బాబీ దేఓల్​.'మా తండ్రి పూర్తి ఆరోగ్యంగా ఉన్నారు. హుషారుగా పనులు చేసుకుంటున్నారు.' అని సన్ని దేఓల్​ తెలిపారు. ముంబయిలోని తమ ఇంటిలోనే తన తండ్రి ఉన్నట్లు తెలిపారు బాబీ దేఓల్​. తప్పుడు వార్తలను వ్యాప్తి చేయటం బాధగా ఉందన్నారు.

ఇదీ చూడండి: సల్మాన్​ ఇంటి వద్ద పోలీస్ బందోబస్తు.. భద్రత కట్టుదిట్టం