Salmankhan Devisriprasad: టాలీవుడ్ ప్రముఖ సంగీత దర్శకుల్లో రాక్స్టార్ దేవీ శ్రీ ప్రసాద్ ఒకరు. తన సంగీతంతో ఎంతోమంది తెలుగు ప్రేక్షకులను ఉర్రూతలూగించారు. తెలుగులో బిజీగా ఉండటం వల్ల కుదిరినప్పుడల్లా మిగతా భాషల్లోనూ తన మ్యూజిక్తో మ్యాజిక్ చేస్తుంటారు. అలా సల్మాన్ ఖాన్ నటించిన 'జయహో'తో బాలీవుడ్లో ఎంట్రీ ఇచ్చిన ఆయన.. ఆ తర్వాత పలు చిత్రాలకు సంగీతమందించారు. అందులో 'రెడీ'(డింక చికా సాంగ్), 'రాధే'కు (సీటీమార్) మాస్ ట్యూన్స్ ఇచ్చి శ్రోతల్ని మెప్పించారు.
అయితే ఇప్పుడు దేవీ మరోసారి సల్మాన్తో కలిసి పనిచేయనున్నారని తెలిసింది. భాయ్ నటించబోయే కొత్త చిత్రం 'కభీ ఈద్ కభీ దివాళీ'కి సంగీతం అందించనున్నారని సమాచారం. మ్యూజిక్ ప్రాధాన్యమున్న కథ కావడం వల్ల దేవీశ్రీ పేరును సల్మాన్ సూచించారట. అయితే డీఎస్పీతో పాటు ఇంకొంతమంది సంగీత దర్శకులు కూడా ఈ చిత్రానికి పనిచేయనున్నారు. కాగా, ప్రస్తుతం ఈ సినిమా కోసం ముంబయిలో ఓ భారీ సెట్ను తీర్చిదిద్దుతున్నారు. ఇందులో టాలీవుడ్ సీనియర్ హీరో వెంకటేశ్ కీలక పాత్ర పోషించనుండగా.. పూజాహెగ్డే హీరోయిన్గా నటించనుంది. ఫర్మాద్ సమ్జీ దర్శకుడు.
ఇదీ చూడండి: రవితేజ కోసం భారీ ఖర్చు.. సెట్ కోసమే అన్ని కోట్లా?
