Actor Devmohan Shakunthalam Movie : టాలీవుడ్ స్టార్ హీరోయిన్ సమంత ప్రధాన పాత్రలో తెరకెక్కుతున్న చరిత్రాత్మక చిత్రం 'శాకుంతలం'. ఈ మూవీలో ఆమెకు జోడీగా దుష్యంత మహారాజు పాత్రలో మలయాళ హీరో దేవ్ మోహన్ కనిపంచనున్నారు. ఆదివారం దేవ్ మోహన్ పుట్టిన రోజు సందర్భంగా ఆయన ఫస్ట్ లుక్ను మేకర్స్ విడుదల చేశారు. ఓ తెల్లటి గుర్రంపై గంభీరంగా దేవ్ మోహన్ కూర్చుని ఉన్న ఫొటోను షేర్ చేసింది చిత్రబృందం. 'హ్యాపీ బర్త్ డే టు అవర్ ఛార్మింగ్ అండ్ వాలియంట్ కింగ్ దుష్యంత్' అంటూ చిత్రబృందం మోహన్కు విషెస్ చెప్పింది.
- " class="align-text-top noRightClick twitterSection" data="
">
గుణశేఖర్ దర్శకత్వంలో తెరకెక్కతున్న ఈ పాన్ ఇండియా మూవీలో పలువురు నటులు కీలక పాత్రల్లో నటిస్తున్నారు. కింగ్ అసుర పాత్రలో 'జిల్' మూవీ ఫేమ్ కబీర్ సింగ్ కనిపించనున్నారు. దిల్ రాజు ప్రొడక్షన్స్ - గుణా టీమ్ వర్క్స్ ప‌తాకంపై గుణశేఖర్ కుమార్తె నీలిమ 'శాకుంతలం' సినిమాను నిర్మిస్తున్నారు. ఇందులో అల్లు అర్జున్ కుమార్తె అల్లు అర్హ కూడా కనువిందు చేయనుంది. అయితే ఈ సినిమా ఇప్పటికే చిత్రీకరణ పూర్తి చేసుకోగా.. పోస్ట్ ప్రొడక్షన్ వర్క్స్ జరుగుతున్నాయి.
ఇదీ చదవండి: అలాంటి పాత్రలు చెయ్యొద్దని డాక్టర్లు సలహా ఇచ్చారు: హీరో శర్వానంద్
