project k san diego Deepika padukone : పాన్ ఇండియా ప్రభాస్ నటిస్తున్న భారీ సైన్స్ ఫిక్షన్ ఫిల్మ్ 'ప్రాజెక్ట్ కె'. ఈ చిత్రం టైటిల్ గ్లింప్స్ను.. ప్రతిష్టాత్మక శాన్ డీగో కామిక్ కాన్ ఈవెంట్లో రిలీజ్ చేయనున్నారు. ఇందులో భాగంగా గత రెండు రోజుల నుంచి మూవీటీమ్ వరుసగా సర్ప్రైజ్లు ఇస్తోంది.
అయితే ఈ ప్రతిష్టాత్మక ఈవెంట్ కోసం ఇప్పటికే ప్రభాస్, రానా, కమల్ హాసన్ అక్కడికి చేరుకున్నారు. కానీ చిత్రంలో ప్రభాస్తో పాటు మరో ప్రధాన పాత్రలో హీరోయిన్గా నటిస్తున్న దీపికా పదుకొణె మాత్రం.. ఈ ఈవెంట్కు హాజరు కావట్లేదు. అయితే దీని వెనక ఓ బలమైన కారణమే ఉందని తెలిసింది.
అదేంటంటే.. ప్రస్తుతం హాలీవుడ్లో యాక్టర్స్ సమ్మె జరుగుతోంది. షూటింగ్స్ అన్నింటినీ మధ్యలోనే నిలిపివేసి.. ధర్నాలు చేస్తున్నారు. అయితే ఈ సమ్మె.. స్క్రీన్ యాక్టర్స్ గిల్డ్- అమెరికన్ ఫెడరేషన్ ఆఫ్ రేడియో అండ్ టెలివిజన్ ఆర్టిస్ట్స్ ఆధ్వర్యంలో జరుగుతోంది. ఈ ఫెడరేషన్లో దీపిక పదుకొణె కూడా ఓ సభ్యురాలే.
అయితే ఈ నిరసనలలో పాల్గొన్న సభ్యులంతా అలాగే ఫెడరేషన్లోని సభ్యులంతా.. ఎటువంటి షూటింగ్లలోనూ, అలాగే సినిమాకు సంబంధించి ఎటువంటి ప్రమోషన్ ఈవెంట్లలోనూ పాల్గొనకూడదు. అందుకే దీపిక.. ఈ ప్రాజెక్ట్ కె టైటిల్ గ్లింప్స్ లాంఛ్ ఈవెంట్ కోసం.. శాన్ డీగో కామిక్ ఈవెంట్కు వెళ్లడం లేదు. ఈ విషయాన్ని చిత్రసీమ వర్గాలు తెలిపినట్లు ఇంగ్లీష్ మీడియా సంస్థలు ప్రచురిస్తున్నాయి.ఇకపోతే ఈ సమ్మెకు.. బాలీవుడ్ భామ, గ్లోబల్ స్టార్ ప్రియాంకా చోప్రా కూడా మద్దతు తెలుపుతోంది.
"స్క్రీన్ యాక్టర్స్ గిల్డ్ సమ్మె జరుగుతుండటం వల్ల యాక్టర్స్ ఎవరూ షూటింగ్లలో లేదా ప్రమోషనల్ ఈవెంట్స్లో పాల్గొనకూడదని ఆదేశాలు వచ్చాయి. శాన్ డీగో కామిక్ కాన్ లాంటి భారీ ఈవెంట్లలో కూడా పాల్గొనకూడదు. అందుకే దీపిక.. ఈ శాన్ డీగో ఈవెంట్కు వెళ్లడం లేదు" అని ఇంగ్లీష్ కథనాలు వస్తున్నాయి.
ఇకపోతే 2017లోనే హాలీవుడ్ స్టార్ నటుడు విన్ డీజిల్తో కలిసి 'ట్రిపుల్ ఎక్స్' సినిమా ద్వారా అరంగేట్రం చేసింది. అప్పుడే ఈ స్క్రీన్ యాక్టర్స్ గిల్డ్ ఫెడరేషన్లో మెంబర్గా జాయిన్ అయింది. ప్రస్తుతం ఈ భామ 'ప్రాజెక్ట్ కె'తో పాటు హృతిక్ రోషన్తో 'ఫైటర్', షారుక్ ఖాన్ 'జవాన్'లో నటిస్తోంది.
ఇదీ చూడండి :
హాలీవుడ్ రేంజ్‌లో దీపిక 'ప్రాజెక్ట్ కె' ఫస్ట్ లుక్.. మీకు నచ్చిందా?
రెబల్స్కు సర్ఫ్రైజ్.. ప్రాజెక్ట్-కె టైటిల్ రివీల్.. దేశంలో తొలి సినిమాగా..
