మలయాళ సూపర్ హిట్ 'లూసిఫర్'ను తెలుగులో మెగాస్టార్ చిరంజీవి హీరోగా గాడ్ఫాదర్ టైటిల్తో రీమేక్ చేస్తున్న విషయం తెలిసిందే. అయితే ఈ సినిమా షూటింగ్ ఇప్పటికే 70శాతం పూర్తియినట్లు సమాచారం. ప్రస్తుతం చిత్రీకరణ ముంబయిలో జ‌రుగుతోంది. గాడ్ ఫాదర్ సినిమాలో కండలవీరుడు స‌ల్మాన్‌ఖాన్ కీల‌క పాత్ర‌లో న‌టిస్తున్నారు.
అయితే ఈసినిమా విడుదల తేదీపై సోషల్మీడియాలో ఒక వార్త తెగ వైరల్ అవుతోంది. చిత్ర‌బృందం అప్పుడే ఓ కీల‌క నిర్ణ‌యం తీసుకుంద‌ని తెలుస్తోంది. ఈ సినిమాను ఆగ‌స్టు 11న విడుదల చేసేందుకు చిత్ర బృందం ప్రణాళికలు రచిస్తోందట. వరుసగా సెలవులు ఉండటమే దీనికి కారణమట. అయితే ఇదే తేదీన అఖిల్ ఏజెంట్‌, స‌మంత య‌శోద, అమీర్‌ఖాన్ లాల్సింగ్ చ‌ద్దా విడుదల కానున్నాయి. కొణిదెల సురేఖ స‌మ‌ర్పిస్తున్న ఈ చిత్రాన్ని ఆర్‌.బీ.చౌద‌రి, ఎన్‌.వీ.ప్ర‌సాద్‌లు సంయుక్తంగా నిర్మిస్తున్నారు. థ‌మ‌న్ సంగీత‌మందిస్తుండ‌గా.. సినిమాటోగ్రాఫ‌ర్గా నీర‌వ్ షా పనిచేస్తున్నారు.
పవన్ కోసం వెయిటింగ్: క్రిష్ దర్శకత్వంలో పవర్స్టార్ పవన్కల్యాణ్ నటిస్తున్న చిత్రం 'హరి హర వీరమల్లు'. 50 శాతం చిత్రీకరణను జరుపుకొన్న ఈ సినిమా, కరోనా కారణంగా వాయిదాపడింది. చాలా గ్యాప్ తరువాత తిరిగి షూటింగును స్టార్ట్ చేస్తున్నారు. ఈ నెల 8వ తేదీన కొత్త షెడ్యూల్ ప్రారంభం కానున్నట్లు సమాచారం. పవన్ కోసమే వెయింటింగ్ అట.. ఆయన రావడమే ఆలస్యం షూటింగ్ షూరు అవుతుందట. ఇప్పటికే చాలా ఆలస్యమైన కారణంగా ఈ సినిమా షూటింగ్ పూర్తయిన తరువాతనే మరో ప్రాజెక్టు పైకి వెళ్లాలని పవన్ భావిస్తున్నారట.
