Pawankalyan Bro movie pre release event : పీపుల్ మీడియా ఫ్యాక్టరీ.. ప్రస్తుతం ఇండస్ట్రీలో వినిపిస్తున్న పేరు. నిన్నమొన్నటిదాకా చిన్న సినిమాలు చేస్తూ వచ్చిన ఈ సంస్థ మాస్ట్ మహారాజా రవితేజ 'ధమాకా'తో వెలుగులోకి వచ్చారు. ఈ ప్రొడక్షన్ హౌస్పై నిర్మాత విశ్వ ప్రసాద్ వివేక్ కూచిబొట్ల తన సినిమా బడ్జెట్ పరిధిని పెంచుకుంటూ ముందుకెళ్తున్నారు. రీసెంట్గా పాన్ ఇండియా స్టార్ ప్రభాస్ 'ఆదిపురుష్' తెలుగు రాష్ట్రాల రైట్స్ను కొనుగోలు చేసి హాట్టాపిక్గా మారారు. ఆ సినిమాను ఆయనే రిలీజ్ చేశారు. ఇక ప్రభాస్ చేస్తున్న మారుతి సినిమాను ఆయనే నిర్మిస్తున్నారు.
రీసెంట్గా ఓ ఇంటర్వ్యూలో పాల్గొన్న ఆయన.. పీపుల్ మీడియా ఫ్యాక్టరీ ప్లానింగ్ పెద్దగా ఉండబోతుందని.. భవిష్యత్లో పాన్ వరల్డ్ సినిమాలు కూడా చేయనుందని అన్నారు. ఈ క్రమంలోనే బ్రో సినిమా ప్రీ రిలీజ్ ఈవెంట్ లో పాల్గొన్న ఆయన పవన్ కళ్యాణ్తోనే తమ పాన్ వరల్డ్ మూవీ ఉంటుందని అనౌన్స్ చేశారు. ఇక ఈ ఈవెంట్లో హాస్యనటుడు బ్రహ్మానందం కూడా పాల్గొని సందడి చేశారు.
బ్రహ్మా మాట్లాడుతూ.. "ఐ లవ్ యూ బ్రో.. ఈ అవకాశం కల్పించిన సముద్రఖని, నిర్మాతలు విశ్వప్రసాద్, వివేక్కు ధన్యవాదాలు. నాకు చాలా ఇష్టమైన వ్యక్తి, మంచి నటుడు, మంచి మనసున్న మనిషి.. పవన్ కల్యాణ్. ది గ్రేట్ పవన్ కల్యాణ్తో కలిసి ఈ సినిమాలో ఓ చిన్న పాత్ర చేయడం ఎంతో ఆనందంగా ఉంది. అదృష్టంగా భావిస్తున్నాను. మీ అందరి ఆశీస్సులు.. పవన్ కల్యాణ్ విజయాలకు తోడ్పడాలని కోరుకుంటున్నాను. పవన్ నాకు ఆయన టీనేజి ఉన్నప్పుడు నుంచి తెలుసు. ఆయన గురించి మాట్లాడగలిగే అతి తక్కువ మందిలో నేనూ ఒకడిని అని భావిస్తున్నాను.
పవన్ నవ్వు ఓ అద్భుతం. ఎంతో స్వచ్ఛమైంది. పత్తికాయ పగలి.. తెల్లటి పత్తి బయటకు వచ్చినప్పుడు.. ఆ తెల్లదనంలో ఎంతటి స్పష్టత, అందం ఉంటుందో.. అలాంటి అందమైన వ్యక్తే పవన్ కల్యాణ్. ఆ మనిషిలో అంతా మంచితనం, హాస్యం, నవ్వు ఉంటుంది. కావాలనుకునేవారికి ఇష్టమైన అవతారంలో దర్శనమిచ్చే దైవాంశ సంభూతుడతడు. సినిమా సూపర్ హిట్ అవ్వాలని ఆశిస్తున్నాను. ఇక విశ్వప్రసాద్ గురించి చెప్పాలంటే ఆయన నాకు మంచి స్నేహితుడు. గడ్స్ ఉన్న నిర్మాత. పాన్ వరల్డ్ సినిమా తీయగలగే శక్తి ఉంది" అని బ్రహ్మానందం చెప్పారు. ఆ వెంటనే నిర్మాత విశ్వప్రసాద్ మాట అందుకుని.. 'మా పాన్ వరల్డ్ సినిమా పవన్ కల్యాణ్తోనే ఉంటుంది' అని స్పష్టత ఇచ్చారు.
ఇదీ చూడండి :
మా వదిన ద్రోహం చేసింది.. రామ్చరణ్లా అలా చేయలేను : పవన్ కల్యాణ్ షాకింగ్ కామెంట్స్!
