2022 రణబీర్ కపూర్కు మిశ్రమ ఫలితాలను ఇచ్చిందనే చెప్పాలి. ఓ వైపు సరిగ్గా ఇదే ఏడాది ఏప్రిల్ 20 తానో ఇంటివాడు అవ్వడమే కాకుండా అదే ఏడాది నవంబర్లో 'రాహా' అనే ఓ చిన్నారికి తండ్రిగా ప్రమోషన్ కొట్టేశాడు. అయితే మరోవైపు 2022లో రిలీజైన 'బ్రహ్మాస్త్ర' బాక్సాఫీస్ను షేక్ చేయగా మరో మూవీ 'షంషేరా' మాత్రం నిరాశపరిచింది. ఓటమి నుంచి తాను ఎన్నో విషయాలను నేర్చుకుంటాను అన్నట్లు రణ్బీర్ మరో నయా మూవీతో కొత్త అవతార్తో మన ముందుకు వస్తున్నాడు.
'అర్జున్ రెడ్డి' మూవీ ఫేమ్ సందీప్ రెడ్డి వంగా ద‌ర్శ‌క‌త్వంలో తెరకెక్కుతున్న ఓ మూవీకి సైన్ చేశాడు రణబీర్. ఇప్పటికే ఈ వార్త సోషల్ మీడియాలో వైరలవుతున్న వేళ సినిమాకు సంబంధించిన ఓ ఫ‌స్ట్ లుక్ పోస్టర్ నెట్టింట తీవ్ర హల్చల్ చేస్తోంది. 'యానిమల్' అనే టైటిల్తో రిలీజైన ఆ పోస్టర్లో ఫుల్టాప్ మాస్ లుక్లో ర‌ణ్‌బీర్‌క‌పూర్ క‌నిపిస్తున్నాడు. ఓ చేత్తో గొడ్డ‌లి ప‌ట్టుకొని మరో చేత్తో సిగ‌రెట్ తాగుతూ ఉన్నాడు. రక్తపు మడుగుల్లో ఉన్న రణ్బీర్ను చూసిన ఫ్యాన్స్ ఆనందానికి అవధుల్లేకుండా పోయాయి. ఇన్నేళ్లు లవర్బాయ్ లుక్లో చూసిన మన రణ్బీర్ ఇంత వైల్డ్గా ఉన్నాడే అని కామెంట్లు పెడుతున్నారు.
బాలీవుడ్లోని ప్రముఖ టి-సిరీస్ సంస్థతో పాటు సినీ వన్ స్టూడియోస్, దర్శకుడు ప్రణయ్ రెడ్డి వంగా భద్రకాళి పిక్చర్స్ సంయుక్తంగా తెరకెక్కిస్తున్న ఈ సినిమాకు సందీప్ రెడ్డి వంగా దర్శకత్వం వహిస్తున్నారు. ఈ సినిమాలో రష్మిక మందన్నతో పాటు అనిల్ కపూర్, బాబీ దేవల్ కీలక పాత్రలు పోషిస్తున్నారు. హిందీ, తెలుగు, తమిళం, మలయాళం, కన్నడ ఇలా ఐదు భాషల్లో విడుదల కానున్న ఈ సినిమా ఆగస్ట్ 11న థియేటర్లలో సందడి చేయనుంది.
న్యూ ఇయర్ వేడుకల్లో రణ్బీర్ ఆలియా..
ఆలియా రణ్బీర్ నయా జోరుతో కొత్త ఏడాడిలోకి అడుగుపెట్టారు. తమ సన్నిహితులతో న్యూ ఇయర్ వేడుకలను చేసుకున్న ఈ దంపతులు తమ లేటెస్ట్ ఫొటోస్ను అభిమానులతో షేర్ చేసుకున్నారు.
