Balakrishna anil ravipudi movie: అనిల్ రావిపూడి-బాలకృష్ణ కాంబోలో ఓ సినిమా త్వరలోనే సెట్స్పైకి వెళ్లబోతుంది. అయితే ఈ చిత్రానికి సంబంధించిన రోజుకో ఆసక్తికరమైన రూమర్ వస్తోంది. కొన్ని రోజుల క్రితం ఇందులో బాలయ్య సరసన ప్రియమణిని, కీలక పాత్రలో రవితేజను ఎంపిక చేయబోతున్నట్లు వార్తలొచ్చాయి. ఈ రెండు వార్తలపై స్పష్టత రావాల్సి ఉండగా.. తాజాగా మరో కొత్త గాసిప్ చక్కర్లు కొడుతోంది. ఈ చిత్రంలో బాలయ్య సరసన అంజలి నటించబోతుందని.. అయితే ఆ రోల్ నెగటివ్ షేడ్స్లో ఉండబోతుందని తెలిసింది. ప్రతినాయకురాలి పాత్ర అని చెబుతున్నారు. అయితే ఇది నిజమా? కాదా? అనేది తెలియాల్సి ఉంది. కాగా, ఈ చిత్రం తండ్రి, కూతురు చూట్టూ కథ అల్లుకుని ఉంటుందని.. బాలయ్య తండ్రి పాత్రలో కనిపించనుండగా, పెళ్లిసందడి హీరోయిన్ శ్రీలీలా కూతురిగా నటించనుందని ప్రచారం సాగుతోంది. మాస్ పాత్రలకు కేరాఫ్ అడ్రస్ అయిన బాలయ్య ఫుల్ స్వింగ్లో ఉండటం, తన కామెడీ మార్క్ను పక్కన పెట్టి అనిల్ రావిపూడి సరికొత్త ప్రయోగం చేయబోతుండటం వల్ల.. ఈ కాంబినేషన్పై భారీ అంచనాలు నెలకొన్నాయి.
Kiara advani sivakarthikeyan: బాలీవుడ్ బ్యూటీ కియారా తమిళంలో మరో సినిమాకు ఒకే చెప్పినట్లు తెలిసింది. శివకార్తికేయన్ హీరోగా మడోన్ అశ్విన్ దర్శకత్వంలో ఓ సినిమా రూపొందనుంది. ఇందులో హీరోయిన్గా ఆమెను ఎంపిక చేయాలని చిత్రబృందం భావిస్తుందట. ఇప్పటికే కథ కూడా వినిపించారని, ఆమెకు నచ్చి నటించడానికి గ్రీన్ సిగ్నల్ కూడా ఇచ్చిందని సమాచారం. త్వరలోనే దీనిపై అధికార ప్రకటన వచ్చే అవకాశముంది. కాగా, కియారా ఇప్పటికే శంకర్ దర్శకత్వంలో రామ్చరణ్ హీరోగా రూపొందుతున్న సినిమాలో నటిస్తోంది.
ఇదీ చూడండి: ప్రమోషన్స్లో నయా ట్రెండ్.. టికెట్ రేట్లే ప్రధానాస్త్రం
