Anchor Suma Onam celebrations : టాలీవుడ్ సీనియర్ యాంకర్ సుమ ఇటీవలే తన ఇంట్లో తోటి యాంకర్స్కు గ్రాండ్ పార్టీ ఇచ్చారు. కేరళ వారికి అతిపెద్ద పండగైన ఓనమ్‌ను తన కుటుంబ సభ్యులతో సెలబ్రేట్ చేసుకున్న సుమ.. తన తోటి యాంకర్స్ను ఇంటికి పిలిచి సందడి చేశారు. వారిని విందుకు ఆహ్వానించి కేరళ స్పెషల్ వంటకాల రుచిని చూపించారు. ఇక కేరళ సంప్రదాయ దుస్తుల్లో మెరిసిన యాంకర్స్ సుమ ఇంట్లో సందడి చేస్తూ కనిపించారు.
Suma Onam Celebrations : రవి, రష్మీ, అనసూయ, విష్ణు ప్రియా, నేహా.. ఇలా యాంకర్స్ అందరూ ఈ విందుకొచ్చి ప్రత్యేక ఆకర్షణగా నిలిచారు. దీనికి సంబంధించిన ఫొటోలు, వీడియోలను ఆయా యాంకర్స్తో పాటు సుమ తన సోషల్ మీడియా హ్యాండిల్లో పోస్ట్ చేశారు. దీన్ని చూసిన ఫ్యాన్స్ నెట్టింట తమ ఆనందాన్ని వ్యక్తం చేస్తున్నారు. తెలుగు తెరపై కనిపించి తమని అలరించే యాంకర్స్ ఇలా ఆఫ్స్క్రీన్లో టైమ్ స్పెండ్ చేయడం సంతోషంగా ఉందంటూ కామెంట్లు పెడుతున్నారు. యాంకర్ సుమకు ఓనమ్ పండుగ శుభాకాంక్షలు తెలుపుతున్నారు.
ఇక యాంకర్ సుమ గురించి ప్రత్యేకంగా చెప్పనక్కర్లేదు. బుల్లితెరతో పాటు వెండితెరపై ఓ వెలుగు వెలుగుతున్న సుమ.. తన యాంకరింగ్తో ప్రేక్షకులకు ఉర్రూతలూగిస్తున్నారు. కేరళ నుంచి వచ్చిన ఆమె.. సినీ ఇండస్ట్రీలోకి వచ్చిన కొంత కాలానినే తెలుగును బాగా నేర్చుకున్నారు. తన కెరీర్ తొలినాళ్లలో సీరియల్స్లో నటించిన సుమ.. ఆ తర్వాత యాంకరింగ్ను తన కెరీర్గా మలుచుకుని దూసుకెళ్తున్నారు.
Anchor Suma Movies : అలా టీవీ షోలు, సినిమా ప్రీ రిలీజ్ ఈవెంట్లు, గేమ్ షోలు, సెలబ్రెటీల ఇంటర్వ్యూలు.. అంటూ వరుస ప్రోగ్రాములతో ఎప్పుడూ బిజీబిజీగా ఉంటారు. స్టార్ మహిళ, జీన్స్, సుమ అడ్డా అంటూ బుల్లితెర ఆడియెన్స్కు చేరువయ్యారు. అటు యాంకరింగ్తోనే కాకుండా సినిమాల్లో కనిపిస్తూ.. వెండితెర ప్రేక్షకులను పలకరించి సందడి చేస్తుంటారు. 'జయమ్మ పంచాయతీ' అనే సినిమాతో ఆమె ఆడియెన్స్ ముందుకొచ్చారు. ఈ సినిమాతో నటిగా ఆమె మంచి గుర్తింపు కూడా తెచ్చుకున్నారు.
డీజే పెట్టు డీజే!.. హీరోగా యాంకర్ సుమ కొడుకు.. ఫస్ట్ లుక్ రిలీజ్
