బుల్లితెరపై టాప్ యాంకర్గా కొనసాగుతూ.. మరోవైపు సినిమాల్లో నటిగా రాణిస్తూ.. ఫుల్ బిజీగా ఉంటున్నారు అనసూయ భరద్వాజ్. ఇటీవల పుష్ప సినిమాలో దాక్షయణి పాత్రతో ప్రేక్షకులను అలరించిన ఆమె.. తాజాగా 'దర్జా' అనే ఓ కొత్త సినిమాతో ప్రేక్షకుల ముందుకు రానుంది. యాక్షన్ ఎంటర్టైనర్గా రూపొందుతోన్న ఈ మూవీలో సునీల్ కీలక పాత్ర పోషిస్తున్నారు. తాజాగా ఈ సినిమా టీజర్ను విడుదల చేసింది చిత్రబృందం. ఈ ప్రచార చిత్రం ఆద్యంతం సినిమాపై ఆసక్తి పెంచేలా ఉంది. 'ఈ బండి కనకమహాలక్ష్మిది. సరకు మీద చేయి పడితే చావు చూపిస్తది', 'ఎవరైనా ఈ కనకాన్ని టచ్‌ చేయాలని చూశారా.. బందరు కోట బద్దలైపోద్ది' అనే డైలాగ్స్‌ ఆకట్టుకుంటున్నాయి. ఈ టీజర్ లాంచ్‌ వేడుకలో ఏపీ మాజీ మంత్రి కామినేని శ్రీనివాస్, ఏపీ అక్వా అసోసియేషన్‌ చైర్మన్‌ భూమాల శ్రీరామ్‌ మూర్తితో పాటు చిత్రయూనిట్‌ పాల్గొంది. ఈ సినిమాను కామినేని శ్రీనివాస్ సమర్పణలో శివశంకర్‌ పైడిపాటి నిర్మించారు.
- " class="align-text-top noRightClick twitterSection" data="">
ఇదీ చదవండి: 'ఆర్ఆర్ఆర్' టికెట్లు ఎంత ప్రయత్నించినా దొరకలేదు: శ్రియ
