Baby Movie Day 9 Collections : ఇటీవలి కాలంలో విడుదలైన 'బేబీ' మూవీ అందరి అంచనాలను దాటుకుని బాక్సాఫీస్ వద్ద సంచలనాలు సృష్టిస్తోంది. ఆనంద్ దేవరకొండ, వైష్ణవి చైతన్య, విరాజ్ ఆనంద్ లీడ్ రోల్స్లో రూపొందిన ఈ చిత్రం గురించే ఇప్పుడు నెట్టింట టాక్ నడుస్తోంది. 'కలర్‌ఫోటో' ఫేమ్ సాయి రాజేశ్ దర్శకత్వంలో ఎస్‌కేఎన్‌ నిర్మించిన ఈ సినిమా జులై 14న థియేటర్లలో రిలీజైంది.
అయితే విడుదలైనప్పటి నుంచి అటు కంటెంట్ పరంగనే కాకుండా ఇటు కలెక్షన్ల పరంగానూ ట్రెండ్ సృష్టిస్తోంది. థియేటర్లు సైతం హౌస్ఫుల్తో దర్శనమిస్తోంది. విడుదలకు ముందే టీజర్, ట్రైలర్, పాటలతో అభిమానుల్లో భారీ అంచనాలను క్రియేట్ చేసిన ఈ సినిమా.. బాక్సాఫీస్ దగ్గర మంచి రెస్పాన్స్‌ను దక్కించుకుని దూసుకెళ్తోంది. ఇక తాజాగా ఈ సినిమా మరో మైల్స్టోన్ను దాటుకుంది.
Baby Movie Collections : తొలి రోజే రూ.7.1 కోట్లు వరకూ కలెక్షన్స్ వసూలు చేసిన ఈ సినిమా.. రెండో రోజు రూ. 7.2 కోట్లు రాబట్టి.. మంచి టాక్తో దూసుకెళ్లింది అలా ప్రపంచవ్యాప్తంగా తొమ్మిది రోజుల్లోనే రూ. 60.3 కోట్ల గ్రాస్‌ను కొల్లగొట్టింది. ఈ విషయాన్ని దర్శకుడు సాయిరాజేష్ ట్విట్టర్ ద్వారా వెల్లడించారు. ఇప్పటి కాలంలో విడుదలైన చిన్న సినిమాల్లో వేగంగా హాఫ్ సెంచరీ కొట్టిన సినిమాగా బేబీ ఓ అరుదైన రికార్డును క్రియేట్ చేసింది. సుమారు 7.8 కోట్ల బ్రేక్ ఈవెన్ టార్గెట్‌తో బరిలోకి దిగిన 'బేబి'… మొదటి మూడు రోజుల్లోనే బ్రేక్ ఈవెన్ మార్క్ రీచ్ అయ్యి లాభాల్లోకి ఎంట్రీ అయినట్లు ట్రేడ్ వర్గాల టాక్. అయితే రెండో వారంలోనూ బేబీ ఇదే ఊపు మీద ఉండేలా కనిపిస్తోంది. ఈ క్రమంలో ప్రస్తుతం ఉన్న బుకింగ్స్ ట్రెండ్ చూస్తుంటే బేబీ సినిమా ఓవరాల్ గా 65-70 కోట్ల గ్రాస్ వసూల్ చేసే ఛాన్స్ ఉందని సినీ వర్గాలు గుసుగుసలాడుతున్నాయి.
- " class="align-text-top noRightClick twitterSection" data="">
అంత తక్కువనా?
Baby Remuneration : ఇప్పటి కాలంలో తక్కువ బడ్జెట్తో తెరకెక్కి కోట్లు రాబట్టిన ఈ సినిమా.. కలెక్షన్ల పరంగా టాక్ ఆఫ్ ద టౌన్గా మారింది. అయితే తాజాగా ఇందులోని సినిమా స్టార్స్ రెమ్యూనరేషన్ విషయం గురించి నెట్టింట ఓ వార్త హల్ చల్ చేస్తోంది. అదేంటంటే.. హీరో ఆనంద్ దేవరకొండ ఈ సినిమా కోసం రూ.80 లక్షల మేర పారితోషకాన్ని అందుకున్నారట. ఇక హీరోయిన్‌ వైష్ణవి చైతన్య రూ.30లక్షలు.. మరో హీరో విరాజ్ రూ.25 లక్షల వరకు తీసుకున్నారట. అయితే దర్శకుడు సాయి రాజేష్ మాత్రం ఈ సినిమా కోసం కోటికి పైగా రెమ్యూనరేషన్ అందుకున్నారట.
