కొత్త లగ్జరీ హౌస్​ కట్టించుకున్న నాగచైతన్య.. ఇకపై అక్కడేనట!

అక్కినేని యంగ్​ హీరో నాగ చైతన్య ఓ కొత్త ఇంటిని నిర్మించుకున్నట్లు తెలిసింది. రీసెంట్​గా ఆయన గృహప్రవేశం కూడా చేశారని టాక్​ వినిపిస్తోంది. ఆ వివరాలు..

అక్కినేని యంగ్​ హీరో నాగ చైతన్య.. హీరోయిన్ సమంత నుంచి డివోర్స్​ తీసుకున్నాక కెరీర్​లో వరుస సినిమాలు చేస్తూ బిజీగా గడుపుతున్నారు. ప్రస్తుతం ఆయన వెంకట్​ ప్రభు దర్శకత్వంలో 'కస్టడీ' చిత్రంలో నటిస్తున్న సంగతి తెలిసిందే. రీసెంట్​గా ఈ మూవీ షూటింగ్ పూర్తైంది. మే 12న ఈ యాక్షన్ థ్రిల్లర్ చిత్రాన్ని గ్రాండ్​గా రిలీజ్ చేయనున్నారు. ఇప్పటికే ప్రమోషన్స్​ కూడా మొదలుపెట్టేశారు. అయితే ఈ సమయంలోనే నాగ చైతన్య పర్సనల్ లైఫ్​కు సంబంధించి ఓ ఆసక్తికరమైన విషయం బయటకు వచ్చింది. ప్రస్తుతం నెట్టింట్లో తెగ చక్కర్లు కొడుతోంది. చైతూ తన అభిరుచికి తగ్గట్లుగా ఓ కొత్త ఇంటిని నిర్మించుకున్నట్లు అంతా మాట్లాడుకుంటున్నారు. రీసెంట్​గా అందులోకి గృహప్రవేశం కూడా చేసినట్లు టాక్ వినిపిస్తోంది. హడావుడి, ఆర్భాటం లేకుండా సింపుల్​గా చైతూ తన కొత్త ఇంట్లోకి వెళ్లారట.

నాగ చైతన్య-సమంత పెళ్లి చేసుకున్న తర్వాత ఓ కొత్త ఫ్లాట్​ను కొనుగోలు చేసిన సంగతి తెలిసిందే. సీనియర్ నటుడు మురళి మోహన్​కు చెందిన ఇంటినే వారు కొనుకున్నారు. ఈ విషయాన్ని మురళి మోహనే గతంలో ఓ ఇంటర్వ్యూలో తెలిపారు. ఆ ఇంట్లోనే సామ్​-చైతూ కాపురం చేశారు. అయితే డివొర్స్ అయ్యాక చైతూ ఆ ఇంటిని వదిలి తన తండ్రి దగ్గరికి వెళ్లిపోయారు. ఆ తర్వాత సమంతనే ఆ ఇంటిని తీసుకున్నట్లు తెలిసింది.

అయితే చైతూ ఎప్పటి నుంచో తన అభిరుచికి తగ్గట్లుగా ఓ లగ్జరీ మోడ్రన్​ ఇంటిని కట్టుకోవాలని ఆశపడ్డారట. అనుకున్నట్టే తన తండ్రి నాగార్జున ఇంటికి దగ్గర్లోనే ఒక స్థలం కొనుక్కొని చకచకా ఓ లగ్జరీ ఇంటిని కట్టించుకున్నారట. గార్డెన్, స్విమ్మింగ్ పూల్, జిమ్, థియేటర్.. ఇలా అన్ని సౌకర్యాలు ఉండేలా విలాసవంతమైన ఇంటిని నిర్మించుకున్నారట. రీసెంట్​గానే ఆయన ఆ ఇంట్లోకి ప్రవేశించినట్లు ప్రస్తుతం కథనాలు వస్తున్నాయి. తనకు సంబంధించిన సామాను కూడా షిప్ట్​ చేసుకున్నారని అంటున్నారు. ఇక నుంచి చైతూ ఆ కొత్త ఇంట్లోనే ఉంటారని అంటున్నారు. ఇకపోతే చాలా రోజులుగా చేతూ రెండో పెళ్లి, ప్రేమ గురించి పలు రకాల రూమర్స్ వస్తున్న సంగతి తెలిసిందే. చూడాలి మరి ఏం జరుగుతుందో.

ఇక చైతూ కస్టడీ సినిమా విషయానికొస్తే.. ఈ చిత్రంలో కృతిశెట్టి హీరోయిన్​గా నటిస్తోంది. 'బంగార్రాజు' తర్వాత ఈ ఇద్దరి కాంబినేషన్​లో రాబోతున్న చిత్రమిది. ఇకపోతే తాజాగా అభిమానులు ఊహించినట్లే ఈ కస్టడీ టీజర్ విడుదలై ఆకట్టుకుంటోంది. ఈ ప్రచార చిత్రంలో చైతూ ఇంటెన్స్ లుక్​లో పవర్ ఫుల్ డైలాగ్స్​ చెప్పి అదరగొట్టారు. అలానే ఈ సినిమాకు మ్యూజిక్ మ్యాస్ట్రో ఇళయరాజా, ఆయన తనయుడు యువన్ శంకర్ రాజా సమకూర్చిన స్వరాలు హైలైట్​గా నిలిచాయి.

ఇదీ చూడండి: పవర్‌ఫుల్‌గా నాగ చైతన్య 'కస్టడీ' టీజర్‌.. మీరు చూశారా?