Adivi Sesh Dacoit Movie Teaser : సినిమాల్లో తనదైన శైలిలో నటిస్తూ యాక్షన్ చిత్రాలకు సరికొత్త డెఫినిషన్ ఇచ్చారు టాలీవుడ్ నటుడు అడవి శేష్. ఈ స్టార్ హీరో మరో యాక్షన్ మూవీకి సిద్ధమయ్యారు. శ్రుతిహాసన్ కథానాయికగా షానీల్ డియో తెరకెక్కిస్తున్నారు. అయితే తాజాగా ఈ యాక్షన్ సినిమాకు టైటిల్ను ఫిక్స్ చేశారు మూవీ మేకర్స్. 'డెకాయిట్' అని వెరైటీ టైటిల్ను ఖరారు చేస్తూ టీజర్ రిలీజ్ చేశారు. మీరూ ఆ టీజర్ చూసేయండి.
- " class="align-text-top noRightClick twitterSection" data="">
కాల్పులు, బాంబు శబ్దాలు, పోలీసుల మృతదేహాలు కనిపించే సీన్స్తో టీజర్ మొదలవుతుంది. తర్వాత, అడవి శేష్ జూలియట్ ఎన్ని ఏళ్లు అయ్యింది మనం కలిసి అనే డైలాగ్తో ఎంట్రీ ఇస్తారు. ఆ సీన్లో శేష్ మెడపై చూస్తే గాడ్ ఈజ్ డెడ్ అని టాటూ కనిపిస్తుంది. ఆ తర్వాత, కలిసి కాదు విడిపోయి అని శ్రుతి హాసన్ నుంచి సమాధానం వస్తుంది. వీళ్లు గతంలోనే ప్రేమించుకుని విడిపోయి ఉంటారని టీజర్లో అర్థమవుతుంది. అది కూడా ఒకరిని మరొకరు చంపుకునేంత పగతో రగిలిపోతారు. అనుకోకుండా చాలా సంవత్సరాల తర్వతా కలిసిన వీళ్లు ఒకరు తుపాకీ పట్టుకుని మరోకరు మెషీన్ గన్ పట్టుకుని కాల్చేందుకు సిద్ధ పడతారు. మొత్తం మీద టీజర్ను ఆసక్తిరంగా చూపించారు మేకర్స్. బ్యాక్ గ్రౌండ్ మ్యూజిక్ కూడా బాగా హైలైట్గా నిలిచింది.
సినిమా విషయానికొస్తే, ప్రముఖ నిర్మాణ సంస్థ అన్నపూర్ణ స్టూడియోస్ సమర్పణలో నటి సుప్రియ యార్లగడ్డ ఈ చిత్రాన్ని నిర్మిస్తున్నారు. 'క్షణం', 'గూఢచారి' లాంటి బ్లాక్ బస్టర్‌ సినిమాలకు ఫోటోగ్రఫీ డైరెక్టర్గా పనిచేసిన షనైల్ డియో ఈ సినిమాతో డైరెక్టర్గా పరిచయం కానున్నారు. ఇక ఈ చిత్రాన్ని తెలుగు, హిందీ భాషల్లో వేర్వేరుగా షూటింగ్ జరుపుతామని మూవీ టీమ్ తెలిపింది.
Goodachari 2 Movie : 'గూఢచారి 2' సినిమాకు అడివి శేష్ స్వయంగా స్టోరీ అందించారు. పీపుల్‌ మీడియా ఫ్యాక్టరీ, ఏకే ఎంటర్‌టైన్‌మెంట్స్‌, అభిషేక్‌ అగర్వాల్‌ ఆర్ట్స్‌ సంస్థలు ఈ చిత్రాన్ని సంయుక్తంగా నిర్మిస్తున్నాయి. దాదాపు ఐదు దేశాల్లో ఈ సినిమా చిత్రీకరణ జరగనుంది. ఇక ఈ సినిమాలో శేష్ సిక్స్‌ ప్యాక్‌లో కనిపించనున్నారు. బాలీవుడ్ బ్యూటీ బనితా సంధు ఈ సినిమాలో శేష్కు జోడీగా నటిస్తున్నారు. శ్రీ చరణ్ పాకాల ఈ సినిమాకు మ్యూజిక్ డైరెక్టర్గా వ్యవహరించనున్నారు.
అడివి శేష్కు మరో పాన్ ఇండియా ప్రాజెక్ట్- శ్రుతి హాసన్కు జోడీగా
