jabardast 500 episode : 'నాతో పాటు వచ్చిన హీరోయిన్స్ చాలామందిని ప్రేక్షకులు మరిచిపోయారు. నేను ఇప్పటి జనరేషన్కు ఇంకా గుర్తున్నాను అంటే ఓన్లీ బికాజ్ ఆఫ్ జబర్దస్త్' అని సినీ నటి రోజా అన్నారు. కొంత కాలంగా సినిమాలకు, షోలకు దూరంగా ఉన్న ఈ తార మరోసారి బుల్లితెరపై సందడి చేశారు.
ఈటీవీ షో జబర్దస్త్.. కామెడీకి బ్రాండ్గా నిలిచిన షో. 2013 నుంచి నిర్విరామంగా ప్రేక్షకులను కడుపుబ్బా నవ్వించడంలో దీనికి సాటి మరే షో రానంతగా అందరిని ఆకట్టుకుంది. గురువారం, శుక్రవారం అయితే చాలు అందరూ ఈ షో కోసం ఎంతో వెయిట్ చేస్తుంటారు. ఇక ఆర్టిస్టులతో పాటు జడ్జీలు వేసే పంచులు మామూలుగా ఉండవు. ఒక్కోసారి ఆ మాటలు కాంట్రవర్సీలకు దారీ తీసినప్పటికీ ఆ షోకు ఉన్న విశేష ఆదరణ ఏమాత్రం తగ్గలేదు. జడ్జీలుగా నాగబాబు రోజా కాంబో అదుర్స్ అని అప్పట్లో అందరూ అంటుండేవారు. అయితే పూర్తి స్థాయిలో రాజకీయాలకు అంకితమవ్వాలనుకున్న రోజా కొంత కాలం క్రితం జబర్దస్త్కు గుడ్ బై చెప్పారు.
అయితే తాజాగా జబర్దస్త్ తన 500వ ఏపిసోడ్ కంప్లీట్ చేసుకుంది. దీనికి సంబంధించిన ఓ ప్రోమో ఇప్పుడు సోషల్ మీడియాలో వైరల్ అవుతోంది. అలా ఈ షోకు సర్ప్రైజ్ గెస్ట్గా మునుపటి జడ్జీ రోజా వచ్చి మళ్లీ షోలో సందడి చేశారు. ఇక షోలో మళ్లీ రోజా కనిపించడంతో ఫ్యాన్స్ మళ్లీ పాత రోజుల్లోకి వెళ్లిపోయారు. మిగతా జడ్జీలతో కలిసి షోలో సందడి చేసిన రోజా ఎప్పటిలాగే ఆర్టిస్టులపై తన మార్క్ పంచెస్ వేసి నవ్వించారు. షో లాస్ట్లో రోజాకు జబర్దస్త్ టీమ్ సన్మానం చేసింది.
- " class="align-text-top noRightClick twitterSection" data="">
