ఒకప్పుడు టాలీవుడ్లో అందం, అభినయంతో ఆకట్టుకున్న హీరోయిన్లలో జ్యోతిక ఒకరు. సౌత్ ఇండస్ట్రీలో ఆమెకు అభిమానుల్లో, ప్రేక్షకుల్లో ఓ స్పెషల్ క్రేజ్‌ ఉంది. చిరంజీవితో 'ఠాగూర్', నాగార్జునతో 'మాస్‌', రజనీకాంత్‌తో 'చంద్రముఖి', కమల్‌హాసన్తో 'రాఘవన్'... ఇలా ఎందరో టాప్ స్టార్స్తో నటించి ప్రత్యేక గుర్తింపు తెచ్చుకున్నారు. అయితే 2006లో తమిళ హీరో సూర్యను వివాహం చేసి కొన్నేళ్ల పాటు సినిమాలకు దూరమయ్యారు. పర్సనల్లైఫ్లో ఫుల్ బిజీ అయిపోయారు.
మళ్లీ ఇప్పుడు సెకండ్ ఇన్నింగ్స్ ప్రారంభించిన ఆమె.. ప్రస్తుతం క్యారెక్టర్ ఆర్టిస్ట్గా, లేడీ ఓరియెంటెడ్ చిత్రాలతో మరోసారి తెరపై సందడి చేస్తూ ప్రేక్షకుల్ని అలరిస్తున్నారు. సోషల్ మీడియాలోనూ యాక్టివ్ అయ్యారు. ఓ వైపు నటిగా మరోవైపు నిర్మాతగా.. ఇక పర్సనల్ లైఫ్లో తల్లిగా, భార్యగా ఎన్నో బాధ్యతలతో కెరీర్లో ముందుకెళ్తున్నారు. అయితే ఈమెలో ఇప్పటివరకు కనిపించని మరో టాలెంట్ కూడా ఉందని మీకు తెలుసా? తాజాగా ఆమె ప్రతిభకు సంబంధించి ఓ సూపర్ వీడియో ఇప్పుడు బయటకు వచ్చింది. ప్రస్తుతం అది సోషల్ మీడియాలో తెగ వైరలవుతోంది. ఇంతకీ అదేంటంటే..
సాధారణంగా మనకు కథానాయిక అనగానే గ్లామర్ షోలకు మాత్రమే తెరపై సందడి చేస్తుంటారు. ఏదో అడపా దడపా హీరోయిన్లు మాత్రమే ఆ వాదనను బ్రేక్ చేస్తూ తమలోనే యాక్టింగ్ స్కిల్స్ను చూపిస్తారు. లేడీ ఓరియెంటెడ్ సినిమాలు చేస్తూ యాక్షన్ సీక్వెన్స్లో నటిస్తారు. అయితే అది కూడా నిపుణలు ఆధ్వర్యంలో చేస్తుంటారు. కానీ నటి జ్యోతిక మాత్రం ఏకంగా స్టేజీపైనే ట్రెడిషనల్లో చీరకట్టులోనే కర్రసాముతో అదరగొట్టేసింది. JFW మూవీ అవార్డ్స్ వేడుకలలో యాంకర్స్, ఆడియెన్స్ కోరిక మేరకు ఈ ప్రదర్శన చేసింది. ఈ వీడియోనే ఇప్పుడు నెట్టింట్లో ట్రెండ్ అవుతోంది. ఇది చూసిన నెటిజన్లు.. షాక్ అవుతూనే ఫిదా అయిపోతున్నారు. ఆమెపై ప్రశంసలు కురిపిస్తున్నారు. లైక్స్, కామెంట్స్తో సోషల్మీడియాను హోరెత్తిస్తున్నారు. ప్రస్తుతం జ్యోతిక.. కాథాయ్: ది కోర్, శ్రీ చిత్రాల్లో నటిస్తున్నారు. త్వరలోనే ఇవి ప్రేక్షకుల ముందుకు రానున్నాయి.
- " class="align-text-top noRightClick twitterSection" data="
">
ఇదీ చూడండి: దిశా పటానీ బికినీ ట్రీట్.. శ్రీలీల స్టైలిష్ లుక్
