బాలీవుడ్ స్టార్ హీరో ఆమిర్ఖాన్, మెగాస్టార్ చిరంజీవి మంచి స్నేహితులు. చాలా ఏళ్లుగా వీరి స్నేహ బంధం కొనసాగుతోంది. అయితే ఆమిర్ఖాన్ న‌టించిన 'లాల్ సింగ్ చద్ధా' సినిమా ఆగస్టు 11న ప్రపంచ వ్యాప్తంగా విడుదల కానుంది. ఈ క్రమంలో తన మిత్రుడు మెగాస్టార్ చిరంజీవితోపాటు.. ఇతర టాలీవుడ్ ప్రముఖుల కోసం ప్రివ్యూ వేశారు ఆమీర్.
చిరంజీవి నివాసంలో ఈ సినిమా ప్రత్యేక ప్రివ్యూ జరగ్గా.. ప్రత్యేక అతిథులుగా కింగ్ నాగార్జున, అక్కినేని నాగ చైతన్య, స్టార్ డైరెక్టర్లు ఎస్ఎస్.రాజమౌళి, సుకుమార్ హాజరై వీక్షించారు. చూసిన ప్రముఖులంతా.. సినిమా ప‌ట్ల ఎంతో సంతోషాన్ని వ్య‌క్తం చేశారు.
అత్యంత ప్రతిష్టాత్మకంగా ఈ సినిమాను ఆమిర్ఖాన్ తెరకెక్కించారు. కథానాయికగా బాలీవుడ్ బ్యూటీ కరీనా కపూర్, ప్రత్యేక పాత్రలో అక్కినేని నాగ చైతన్య నటించారు. అద్వైత్ చందన్ దర్శకత్వంలో అమీర్ ఖాన్ ప్రొడక్షన్స్, వయాకామ్ 18 స్టూడియోస్ సంయుక్తంగా నిర్మించాయి.
ఇదీ చదవండి: జబర్దస్త్ ఫైమా సొంతింటి కల సాకారం.. రింగు తొడిగి ప్రవీణ్ ప్రపోజల్!
