Young man died with electric shock: పనిలో నిమగ్నమై ఉన్న సమయంలో విద్యుత్ షాక్ తగిలి యువకుడు మృతి చెందాడు. ఈ ఘటన హైదరాబాద్ నగరంలోని సిటీ ఆర్ట్స్ షాప్లో చోటుచేసుకుంది. స్థానికులు ప్రమాదం సంభవించిన వెంటనే యువకుడిని ఆసుపత్రికి తీసుకొని వెళ్లారు. అప్పటికే యువకుడు మృతి చెందాడని వైద్యులు తెలిపారు. విద్యుత్ షాక్తో మృతి చెందిన దృశ్యాలు సీసీ కెమెరాలో రికార్డు అయ్యాయి.
హైదరాబాద్ నగరంలోని శివరాంపల్లి ప్రాంతానికి చెందిన చిట్టమొని అభిలాష్ యాదవ్ అదే ప్రాంతానికి చెందిన సిటీ ఆర్ట్స్ షాప్లో విధులు నిర్వహిస్తున్నాడు. ప్రతిరోజు లాగే యధావిధిగా యజమాని చెప్పిన పనులు చేస్తున్నాడు. పనిలో నిమగ్నమై ఉన్న సమయంలో విద్యుత్ షాక్ తగిలి అక్కడికక్కడే యువకుడు మృతి చెందాడు. స్థానికులు విద్యుత్ను నిలుపుదల చేసి హుటాహుటిన దగ్గరలోని ఆసుపత్రికి తరలించారు. యువకుడు అప్పటికే మృతి చెందాడు. మృతుని కుటుంబ సభ్యులు శోక సంద్రంలో మునిగి పోయారు.
గతంలోనూ ఈ యువకుడు ఇలాగే ఒకసారి విద్యుత్ ఘాతుకానికి గురై షాక్ నుంచి బయటపడినట్లుగా స్థానిక ఉద్యోగులు తెలిపారు. పోలీస్ అధికారులు సంఘటనా స్థలానికి చేరుకొని పరిశీలించి, మృతదేహాన్ని ఉస్మానియా ఆస్పత్రికి తరలించారు. షాపు యజమానిని స్థానిక రాజేంద్రనగర్ పోలీసులు అదుపులోకి తీసుకొని విచారణ చేపట్టారు.
ఇవీ చదవండి:
