విజయవాడ మొగల్రాజపురం సున్నం బట్టిల వద్ద ఓ వివాహిత అనుమాస్పదంగా మృతి చెందింది. గతేడాది అక్టోబర్లో రేణుకకు అంజన్ కృష్ణతో వివాహం జరిగింది. రెండు నెలల అనంతరం అంజన్ కృష్ణకు మరో మహిళతో ఏర్పడిన వివాహేతర సంబంధం బయటపడింది. ఈ క్రమంలో తరచూ వివాదాలు జరిగేవని తెలుస్తోంది.
తమ కుమార్తెను అల్లుడు చిత్రహింసలకు గురిచేసేవాడని మృతురాలి తల్లిదండ్రులు అరోపించారు. భార్యను అనేకసార్లు చనిపోవాలని తిట్టే వాడని.. చివరకు చనిపోవడానికి కారణమయ్యాడని తెలిపారు.
అంజన్ కృష్ణను కఠినంగా శిక్షించాలని కుటుంబ సభ్యులు కోరుతున్నారు. పోలీసులు అనుమానాస్పద మృతిగా కేసు నమోదు చేసుకొని దర్యాప్తు చేస్తున్నారు. అంజన్ కృష్ణ పరారీలో ఉన్నాడు.
ఇదీ చూడండి: LIVE VIDEO: ఫేస్బుక్ లైవ్లో వ్యక్తి ఆత్మహత్య... ఎందుకంటే..!
