పాతకక్షలు పచ్చని పల్లెల్లో కలకలం సృష్టిస్తున్నాయి. రెండు వర్గాల మధ్య జరిగిన గొడవలో ఐదుగురికి తీవ్రగాయాలు కాగా.. మరో ఇద్దరు స్వల్పంగా గాయపడ్డారు. ఈ ఘటన నిజామాబాద్ జిల్లా నవీపేట మండలం ఫకీరాబాద్ గ్రామంలో జరిగింది. క్షతగాత్రులను జిల్లా ప్రభుత్వ ఆస్పత్రికి తరలించి చికిత్స అందిస్తున్నారు. ఈ ఘర్షణలో అనిల్, గంగాధర్, నరేందర్, లింగన్న, నారాయణలకు తీవ్రగాయాలయ్యాయి.
గ్రామానికి చెందిన రెడ్డిపల్లి గంగాధర్ ,చిల్లర్గ నారాయణ కుటుంబాలు పరస్పరం దాడులు చేసుకున్నాయి. గొడవలకు పాత కక్షలే కారణమని గ్రామస్థులు చెబుతున్నారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.
