నిర్మల్ జిల్లా కడెం మండలం బెల్లాల్ వద్ద ఘోర రోడ్డు ప్రమాదం జరిగింది. బెల్లాల్ వద్ద ఆటో బోల్తా పడిన ఘటనలో నలుగురు ప్రాణాలు కోల్పోయారు. మరో ఇద్దరికి తీవ్ర గాయాలయ్యాయి. కడెం నుంచి బెల్లాల్ ఆరుగురు ప్రయాణికులతో వెళ్తున్న ఆటో అదుపుతప్పి రోడ్డు పక్కన ఉన్న పంట కాలువలోకి దూసుకెళ్లి బోల్తా పడింది.
ఈ ప్రమాదంలో ఆటోలో ప్రయాణిస్తున్న పెద్ద బెల్లాల్‌కు చెందిన సీమల శాంత(55), కన్నపూర్‌ గ్రామానికి చెందిన శంకరవ్వ (52), మల్లన్నపేటకు చెందిన మల్లయ్య (55) అక్కడికక్కడే మృతి చెందారు. ముగ్గురు క్షతగాత్రులను చికిత్స నిమిత్తం నిర్మల్ ప్రభుత్వ ఆసుపత్రికి తరలించారు. అక్కడ చికిత్స పొందుతూ మరొకరు మృతిచెందారు. మృతదేహాలను ఖానాపూర్ ప్రభుత్వ ఆసుపత్రికి చేర్చారు. ఖానాపూర్ సీఐ అజయ్‌ బాబు, కడెం ఎస్సై రాజు ఘటనాస్థలాన్ని పరిశీలించారు. ఈ మేరకు కేసు నమోదు చేసి దర్యాప్తు చేపట్టారు.
ఇదీ చదవండి:
