తనను నిలదీశాడనే కారణంతో కన్న కొడుకనే మమకారం లేకుండా.. కర్రతో కొట్టి అతి దారుణంగా హత్య చేశాడో తండ్రి. ఈ ఘటన సంగారెడ్డి జిల్లా కొత్తపల్లిలో జరిగింది.
గుమ్మడిదల మండలం కొత్తపల్లి గ్రామానికి చెందిన శ్రీనివాస్ గౌడ్, భార్య పద్మ, వారి కుమారుడు సాయి కిరణ్ బాహ్య వలయ రహదారి వద్ద కూలిపని చేస్తూ ఉంటారు. అయితే ముగ్గురి కూలీ డబ్బులతో శ్రీనివాస్ గౌడ్ మద్యం తాగేశాడు.
ఇది తెలిసిన సాయి కిరణ్ తండ్రిని డబ్బుల కోసం నిలదీశాడు. ఇద్దరి మధ్య గొడవ జరిగింది. ఈ క్రమంలో కన్న మమకారం కూడా మరిచి కొడుకుని తండ్రి కర్రతో గట్టిగా కొట్టాడు. సాయి కిరణ్ అక్కడికక్కడే చనిపోయాడు. గుమ్మడిదల పోలీసులు తండ్రి శ్రీనివాస్ గౌడ్ను అదుపులోకి తీసుకున్నారు. కేసు నమోదు చేసుకుని.. దర్యాప్తు చేస్తున్నారు.
ఇదీ చూడండి: తెలంగాణ నుంచి పొరుగు రాష్ట్రాలకు కల్తీ మద్యం సరఫరా
