దొంగలను పట్టించిన నిఘానేత్రం... ఏం దొంగలించారో తెలుసా!

సాధారణంగా బంగారం, డబ్బు లేదా విలువైన వస్తువులు దొంగిలించడం చూస్తుంటాం. కానీ ఓ ఆటో డ్రైవర్​ చేసిన చోరీ తెలిస్తే నవ్వురాకమానదు. ఇంతకీ ఆ ఆటో డ్రైవర్​ చేసిన దొంగతనం ఏంటో తెలుసుకోవాలంటే ఇది చదవాల్సిందే.

ఆదిలాబాద్ జిల్లా కేంద్రంలోని ద్వారకానగర్​లోని పాల విక్రయ కేంద్రానికి ఓ పెద్దాయనతో పాటు ఆటో డ్రైవర్​ వచ్చాడు. దుకాణం యజమానిని మాటల్లో పెట్టి బిస్కెట్ ప్యాకెట్, మిఠాయిల డబ్బాను చోరీ చేశాడు. ఈ క్రమంలో ఓ ప్యాకెట్​ కిందపడిపోయింది. ఈ విషయాన్ని పసిగట్టి దుకాణం యజమాని వారిని ప్రశ్నించింది.

తాము ఏమి దొంగిలించ లేదని ఆటో డ్రైవర్​ బుకాయించాడు. అనంతరం సీసీ కెమెరాల్లో రికార్డు అయిన చోరీ దృశ్యాలు చూసి తప్పును ఒప్పకున్నారు. అయితే పాలదుకాణం యజమాని వారిని క్షమించి వదిలేసింది.

ఇదీ చదవండి: తనిఖీలు నిర్వహిస్తోన్న ఎస్సైని ఢీకొట్టిన ద్విచక్రవాహనం