Dhoolpet cricket betting gang arrest: హైదరాబాద్ మంగళ్‌హాట్‌ పోలీస్ స్టేషన్ పరిధిలోని అప్పర్ ధూల్‌పేట్ కేంద్రంగా కొనసాగుతోన్న క్రికెట్‌ బుకీల వ్యవహారాన్ని టాస్క్‌ఫోర్స్‌ పోలీసులు బయటపెట్టారు. బుధవారం రాత్రి ఐదుగురు బుకీలను అరెస్టు చేసి, రూ.70,500 స్వాధీనం చేసుకున్నారు. ఆస్ట్రేలియాలో బిగ్‌బాస్‌ లీగ్‌ క్రికెట్‌ మ్యాచ్‌ సందర్భంగా... హైదరాబాద్లోని అప్పర్ ధూల్‌పేటలో శైలేందర్‌సింగ్‌(30) అనే ప్రధాన నిందితుడి నేతృత్వంలో బెట్టింగ్‌ నిర్వహిస్తున్నట్లు సమాచారం అందడంతో తనిఖీలు నిర్వహించారు.
శైలేందర్‌సింగ్‌తో పాటు గణేశ్‌సింగ్‌(34), లడ్డూసింగ్‌(48), మహ్మద్‌ గౌస్‌(52), ముకుంద్‌ అగర్వాల్‌(40)ను అరెస్టు చేసినట్లు టాస్క్‌ఫోర్స్‌ డీసీపీ(ఓఎస్‌డీ) రాధాకిషన్‌ రావు పేర్కొన్నారు. అత్తాపూర్‌కు చెందిన విజయ్‌, పురానాపూల్‌కు చెందిన ప్రవీణ్‌ అగర్వాల్‌ పరారీలో ఉండగా... వారి కోసం గాలిస్తున్నట్లు తెలిపారు.
ఇదీ చదవండి: Wedding Twist: వివాహానికి గంట ముందు.. కట్నం డబ్బులతో వరుడు పరారీ
