Laptop Blast: ఆంధ్రప్రదేశ్లోని కడప జిల్లా బి.కోడూరు మండలం మేకవారిపల్లి గ్రామంలో ప్రమాదం చోటుచేసుకుంది. వర్క్ ఫ్రం హోమ్లో భాగంగా గ్రామానికి చెందిన సాఫ్ట్ వేర్ ఉద్యోగిని సుమతి.. ఇంటి దగ్గరే విధులు నిర్వహిస్తోంది. విధుల్లో భాగంగా ఉదయం ల్యాప్టాప్కు ఛార్జింగ్ పెట్టి ఒడిలో పెట్టుకుని పని చేసుకుంటోంది. ఈ క్రమంలో ల్యాప్టాప్ ఒక్కసారిగా పేలింది. ఆ సమయంలో సుమతి గది లోపల లాక్ వేసుకుని పని చేసుకుంటోంది. దీంతో కుటుంబ సభ్యులు ఆమెను కాపాడటంలో ఆలస్యమయ్యారు.
గదిలోనుంచి మంటలు రావడంతో కుటుంబ సభ్యులు.. తీవ్రంగా శ్రమించి గది తలుపు తీశారు. అనంతరం ఆమెను బయటకు తీసుకువచ్చారు. అప్పటికే చాలా ఆలస్యమై మంటలు వ్యాపించడంతో పాటు మహిళకు కూడా మంటలు అంటుకున్నాయి. తీవ్రగాయాలతో ఉన్న ఉన్న ఆమెను చికిత్స నిమిత్తం కడపలోని ఓ ప్రైవేట్ ఆసుపత్రికి తరలించారు. ప్రస్తుతం సుమతి పరిస్థితి విషమంగా ఉంది. పరీక్షించిన వైద్యులు కడప రిమ్స్కి తీసుకెళ్లాలని సూచించారు.
ఇవీ చదవండి: రాష్ట్రానికి రావాల్సిన నిధులివ్వకుండా కేంద్రం శీతకన్ను: కేటీఆర్‌
