మైనర్ బాలికను కిడ్నాప్ చేసి గదిలో బంధించి అత్యాచారానికి పాల్పడిన సాఫ్ట్వేర్ ఇంజనీర్ను బంజారాహిల్స్ పోలీసులు అరెస్ట్ చేసి రిమాండ్కు తరలించారు. ఆంధ్రప్రదేశ్లోని విజయవాడకు చెందిన కంటె నరేష్(37) సాఫ్ట్వేర్ ఇంజనీర్గా పనిచేస్తూ హైదరాబాద్ బంజారాహిల్స్ రోడ్ నం. 2 లోని ఇందిరానగర్లో నివసిస్తున్నాడు. ఇతనికి భార్య, ముగ్గురు పిల్లలు. సమీపంలో నివసిస్తున్న ఇంటర్ ద్వితీయ సంవత్సరం చదువుతున్న మైనర్ విద్యార్థినికి గత కొంత కాలంగా ట్యూషన్ చెబుతున్నాడు. ఈ క్రమంలోనే వీరిద్దరి మధ్య సాన్నిహిత్యం ఏర్పడింది.
గది అద్దెకు తీసుకుని
ఈ నెల 21న ఆ బాలికకు మాయ మాటలు చెప్పి లొంగదీసుకునేందుకు నరేష్ యత్నించగా అభ్యంతరం వ్యక్తం చేసింది. ఈ నేపథ్యంలో అదే రోజు రాత్రి విద్యార్థినిని బలవంతంగా తీసుకెళ్లి అప్పటికే అద్దెకు తీసుకున్న ఓ గదిలో బంధించాడు. నైట్ డ్యూటీకి వెళ్తున్నానని భార్యకు చెప్పి ఆపై అత్యాచారానికి పాల్పడ్డట్లుగా బాధితురాలు పోలీసులకు ఇచ్చిన ఫిర్యాదులో పేర్కొంది. ఈ మేరకు పోలీసులు కేసు నమోదు చేసుకున్నారు. నిందితుడిని అరెస్టు చేసి రిమాండ్కు తరలించారు.
ఇదీ చదవండి: గోడౌన్లో భారీ మొత్తంలో గుట్కా స్వాధీనం
