పొలాల్లోకి దూసుకెళ్లిన ఆర్టీసీ బస్సు.. ఐదుగురికి గాయాలు

RTC Bus Accident at Morampally: ఎదురుగా వస్తున్న లారీని తప్పించబోయిన ఆర్టీసీ బస్సు.. అదుపుతప్పి పొలాల్లోకి దూసుకెళ్లింది. ఈ ప్రమాదంలో ఐదుగురు ప్రయాణికులకు స్వల్ప గాయాలయ్యాయి. భద్రాద్రి కొత్తగూడెం జిల్లా బూర్గంపాడు మండలం మొరంపల్లి బంజర వద్ద ఈ ఘటన చోటుచేసుకుంది.

RTC Bus Accident at Morampally: లారీని తప్పించబోయి ఆర్టీసీ బస్సు అదుపుతప్పి పొలాల్లోకి దూసుకెళ్లిన ఘటన భద్రాద్రి కొత్తగూడెం జిల్లా బూర్గంపాడు మండలం మొరంపల్లి బంజర వద్ద జరిగింది. ఈ ప్రమాదంలో ఐదుగురు ప్రయాణికులకు స్వల్ప గాయాలయ్యాయి. వెంటనే వారిని స్థానిక ఈఎస్ఐ ఆసుపత్రికి తరలించి చికిత్స అందిస్తున్నారు.

ఖమ్మం డిపోకి చెందిన ఎక్స్​ప్రెస్ సర్వీసు బస్సు మణుగూరు నుంచి ఖమ్మం వైపు వెళ్తుండగా ఈ ప్రమాదం చోటుచేసుకుంది. ఘటనా స్థలానికి చేరుకున్న స్థానిక ఆర్టీసీ అధికారులు ప్రమాదానికి సంబంధించిన కారణాలను ఆరా తీస్తున్నారు. ఎలాంటి ప్రాణనష్టం లేకపోవడంతో ప్రయాణికులు, అధికారులు ఊపిరి పీల్చుకున్నారు.

ఇదీ చదవండి: చెరుకు లోడ్​ను ఢీకొట్టిన మినీ ట్రక్కు- ఐదుగురు మృతి