ద్విచక్రవాహనంపై వెళ్తున్న ఓ వ్యక్తి ప్రమాదవశాత్తు లారీకిందపడి మృతి చెందాడు ఈ ఘటన మేడ్చల్ జిల్లా షాపూర్ నగర్లో జరిగింది. సురారం ప్రాంతానికి చెందిన సుమన్ రెడ్డి (32) బాలానగర్ వైపు వెళ్తుండగా.. షాపూర్ వద్ద వాటర్ ట్యాంకర్ ఢీకొట్టి కిందపడిపోయాడు. తీవ్రంగా గాయపడిన అతడిని ఆస్పత్రికి తరలించగా.. చికిత్స పొందుతూ తుదిశ్వాస విడిచాడు.
మరో ఘటనలో రెండు రోజుల క్రితం జరిగిన రోడ్డు ప్రమాదంలో గాయపడి చికిత్స పొందుతున్న మహిళ మృతి చెందింది. గాజులరామరం ప్రాంతానికి చెందిన నజ్మా బేగం కుమారుడితో కలిసి ద్విచక్రవాహనంపై సురారం వెళ్తుండగా మార్గ మధ్యలోని విన్ ప్యాలస్ ఫంక్షన్ హాల్ వద్దకు రాగానే ఎదురుగా వస్తున్న గుర్తుతెలియని ఆటో ఢీకొంది. ప్రమాదంలో తీవ్రంగా గాయపడిన నజ్మాను ఉస్మానియాకు తరలించారు. చికిత్స పొందుతూ ఇవాళ మృతి చెందింది. రెండు ప్రమాదాలపై పోలీసులు కేసు నమోదు చేసుకుని దర్యాప్తు చేస్తున్నారు.
ఇదీ చూడండి: బ్లాక్లో బ్లాక్ ఫంగస్‌ ఇంజక్షన్లు.. ముఠా అరెస్టు
