Revenge killing In Sangareddy: సంగారెడ్డి జిల్లా మునిపల్లి మండలం చిన్నచెల్మెడలో ప్రతీకార హత్య జరిగింది. రెండేళ్ల క్రితం తమ కుమారుడిని చంపిన ఆనంద్ అనే యువకుడిని కుటుంబ సభ్యులు నడిరోడ్డులో జనం చూస్తుండగానే కళ్లలో కారం చల్లి దారుణంగా హత్య చేశారు. చిన్నచెల్మెడ గ్రామానికి చెందిన యువకుడు పవన్ను అదే గ్రామానికి చెందిన బేగరి ఆనంద్ పేకాట విషయంలో తగువులాడి బండరాయితో కొట్టి చంపాడు. ప్రతీకార చర్య కోసం ఎదురుచూస్తున్న పవన్ కుటుంబ సభ్యులు తమ కుమారుడిని చంపిన ఆనంద్ రాత్రి ఊళ్లోకి వచ్చాడనే విషయం తెలుసుకున్నారు.
ఉదయాన్నే ఆనంద్ మార్నింగ్ వాక్ కోసం బయటకు రావడంతో పవన్ కుటుంబ సభ్యులు ఆనంద్ కళ్లల్లో కారం చల్లి గొడ్డలితో అతనిపై దాడి చేసి తల, మెండెం వేరు చేసి కాళ్లు చేతులు నరికి పక్కన పడేశారు. ఈ దారుణాన్నికాళ్లారా చూసిన గ్రామస్థులు భయాందోళనకు గురయ్యారు. ఈ విషయం తెలుసుకున్న పోలీసులు గ్రామానికి చేరుకొని దర్యాప్తు చేస్తున్నారు. ఆనంద్ను హత్య చేసిన నిందితులు పోలీస్ స్టేషన్లో లొంగిపోయారు.
ఇవీ చదవండి:
