అతడో స్థిరాస్తి వ్యాపారి. చేతినిండా సొమ్ములు, వారాంతంలో విందులు వినోదాలు. అంతకు మించిన ఆనందాన్ని ఆస్వాదించేందుకు నెలలో రెండుసార్లు శ్రీలంక(Poker Players to Sri lanka) వెళ్లి వస్తుంటాడు. ఈ మధ్య క్యాసినోలో కోల్పోయిన సొమ్మును రాబట్టుకునేందుకు రూ. 25 లక్షల వరకూ అప్పులు చేసి మరీ ఆడాడు. వాటినీ జూదంలో పొగొట్టుకుని మనోవేదనతో గుండెపోటుకు గురై ఆస్పత్రి పాలయ్యాడు. ఇలా జూదం వ్యసనంగా మారి అలవాటు మానుకోలేని ఎంతోమంది ప్రతినెలా పేకాట ఆడేందుకు దూర ప్రాంతాలకు(Poker Players to Sri lanka) వెళ్లేవారు పెరుగుతున్నారు.
సకల సౌకర్యాలతో
కొవిడ్ సమయంలో ఇంటికే పరిమితమైన పేకాటరాయుళ్లు.. సాధారణ పరిస్థితులు నెలకొనటంతో రెక్కలు కట్టుకుని ఛలో కొలంబో(Poker Players to Sri lanka) అంటున్నారు. గతంలో జూదప్రియులు గోవాకు ప్రాధాన్యతనిచ్చేవారు. సంపన్నవర్గాలు మలేసియా, సింగపూర్, మకావు వంటి చోటకు వెళ్లేవారు. ప్రస్తుతం శ్రీలంక(Poker Players to Sri lanka) రాజధాని కొలంబోలో క్యాసినో కోసం ప్రత్యేకంగా ఏర్పాట్లు చేసింది. అంతేకాకుండా సకల సౌకర్యాలతో ఫైవ్ స్టార్ హోటల్స్ అందుబాటులోకి వచ్చాయి.
వీసా లేకపోయినా వెళ్లొచ్చు
హైదరాబాద్, బెంగళూరు, ముంబయి, గోవా వంటి నగరాలతో పోల్చితే కొలంబో ఫైవ్ స్టార్ హోటళ్లలో ఖర్చు చాలా తక్కువ. వారం, పది రోజుల ముందు రూ. 8000-10,000 లోపు విమాన టికెట్లు వస్తాయి. రెండు గంటల్లో ఎంచక్కా కొలంబో(Poker Players to Sri lanka) చేరనూవచ్చు. పాస్పోర్టు ఉంటే చాలు వీసాతో పనిలేకుండా లంక ప్రభుత్వం ఆహ్వానం పలుకుతోంది. ఇంతటి వెసులుబాటు ఉండటం, ఖర్చు తక్కువ కావటంతో హైదరాబాద్ నుంచి అక్కడకు వెళ్లే జూద ప్రియులు పెరుగుతున్నారని బేగంపేటకు చెందిన ట్రావెల్ సంస్థ ఏజెంట్ ఒకరు తెలిపారు. రూ.4లక్షల నుంచి 5లక్షలతో కొలంబోలో వారం రోజుల పాటు ఆనందాన్ని ఆస్వాదించి రావచ్చంటూ అమీర్పేటకు చెందిన స్థిరాస్తి వ్యాపారి తెలిపారు. నెలకోసారి మిత్రులతో కలసి వెళ్లివస్తుంటానని వివరించారు. పేకాట వ్యసనం అని తెలిసినా అలవాటుపడ్డాక మానుకోవటం కష్టమంటూ ఆవేదన వెలిబుచ్చుతున్నారు.
అలా ఆకట్టుకుంటారు
తెలుగు రాష్ట్రాల్లో హైదరాబాద్, వరంగల్, విజయవాడ, గుంటూరు, భీమవరం, విశాఖపట్టణం తదితర ప్రాంతాల నుంచి అధికశాతం కొలంబో వెళ్తుంటారని అంచనా. హైదరాబాద్లో స్థిరాస్తి వ్యాపారం పుంజుకోవటంతో రియల్ వ్యాపారులు కొలంబో వెళ్లేందుకు ఆసక్తి చూపుతున్నారు. సినీ, రాజకీయ, వ్యాపార వర్గాలకు చెందిన వారిని ఆకట్టుకునేందుకు తెలుగునాట శ్రీలంక(Poker Players to Sri lanka) నుంచి వచ్చిన ప్రతినిధులు విందు, వినోద కార్యక్రమాలు ఏర్పాటు చేస్తారు. తమ ఏజెంట్ల ద్వారా జూదప్రియులను ఆకట్టుకుంటారు. ఏజెంట్లకు డబ్బు చెల్లిస్తే చాలు హోదాకు తగినట్టుగా విమాన టిక్కెట్లు, హోటళ్ల బుకింగ్, క్యాసినో లావాదేవీల వరకూ అన్నీ వారే సమకూర్చుతారు. ప్రత్యేకమైన సందర్భాల్లో క్యాసినో కేంద్రాలూ రాయితీలు అందిస్తుంటాయి. తొలిసారిగా వచ్చిన వారికి విమానటికెట్లు, హోటల్ గదులకు అయ్యే ఖర్చులు తామే భరిస్తామంటూ ఆహ్వానం పలుకుతున్నాయి.
గెలిస్తే పంట.. ఓడితే మంట
విదేశీయులు, ప్రముఖుల కోసం ఫైవ్ స్టార్ హోటళ్ల(Poker Players to Sri lanka) లో ప్రత్యేక బస కల్పిస్తున్నాయి. దీనికోసం ఏజెంట్లు వాట్సాప్ గ్రూపులు ఏర్పాటు చేసుకుని వ్యవహారాలు సాగిస్తున్నారు. రూ. 4 లక్షల నుంచి 50 లక్షల వరకూ చేతిలో పట్టుకుని కొలంబో చేరుతున్నవారున్నారు. జూదక్రీడల్లో సర్వం పోగొట్టుకున్న బాధితులు, భారీగా లాభపడిన అదృష్టవంతులూ ఉన్నారంటూ నగరానికి చెందిన ఓ వ్యాపారి విశ్లేషించారు. అత్యాశ ఉన్నవాళ్లే పెద్దమొత్తంలో నష్టపోతుంటారని తెలిపారు. చేతిలో డబ్బు తక్కువగా ఉన్నపుడు నగర శివార్లలోని పేకాట క్లబ్బులకు వెళ్తుంటారని వివరించారు. పోలీసులకు పట్టుబడకుండా జాగ్రత్తలు తీసుకుంటామని.. కానీ పేకాటలో ఓడి సొమ్ము పోగొట్టుకున్నవాళ్లు కోపంతో జూదగృహాల చిరునామా పోలీసులకు చేరవేస్తుంటారంటూ పేర్కొన్నారు.
ఇదీ చదవండి: Etela Rajender leads : ఉపపోరులో ఈటల జోరు.. తొలి 4 రౌండ్లలో ముందంజ
