సంగారెడ్డి జిల్లా పటాన్చెరు మండలంలో ఓ ఆటో బోల్తా పడింది. ఐనోల్ గ్రామ శివారు గ్యాస్ పైప్లైన్ సమీపంలో జరిగిన ఈ ప్రమాదంలో ఒకరు మృతి చెందగా ఆరుగురికి తీవ్ర గాయాలయ్యాయి.
అకస్మాత్తుగా..
ఐనోలు గ్రామ శివారులోని గ్యాస్ పైప్ లైన్ సమీపంలో పటాన్చెరు వైపు వస్తున్న ఆటో ముందు చక్రం అకస్మాత్తుగా విరిగి పడటంతో ఆటో బోల్తా పడింది. దీంతో ఆటోలో ఉన్న ఏడుగురిలో ఒకరు మృతి చెందగా ఆరుగురికి తీవ్ర గాయాలయ్యాయి. వీరిలో ఒకరి పరిస్థితి విషమంగా మారింది. క్షతగాత్రులను చికిత్స నిమిత్తం ఓ ప్రైవేట్ ఆస్పత్రికి తరలించారు.
దర్యాప్తు..
మృతి చెందిన వ్యక్తి పటాన్చెరు మండలం పెదకంజర్ల గ్రామానికి చెందిన యాదగిరిగా పోలీసులు గుర్తించారు. గాయపడిన వారిలో వడ్డే పల్లి గ్రామానికి చెందిన అక్షయ, లావణ్య, షాద్ నగర్కు చెందిన మేఘమాల, మౌనిక , కౌలం పేటకు చెందిన దివ్యలుగా తెలిపారు. కేసు నమోదు చేసుకున్న పోలీసులు దర్యాప్తు చేపట్టారు.
ఇదీ చదవండి:శూలంతో పొడిచి.. డంబెల్తో కొట్టి.. కన్నకూతుళ్లనే చంపేశారు!
