అంగడిపేట ప్రమాద ఘటనలో మరొకరు మృతి

పెద్ద అడిశర్లపల్లి మండలం అంగడిపేట స్టేజీ వద్ద గురువారం రాత్రి జరిగిన ప్రమాద ఘటనలో మృతుల సంఖ్య పదికి చేరింది. హైదరాబాద్ ప్రైవేటు ఆసుపత్రిలో చికిత్స పొందుతూ ఇవాళ వెంకటమ్మ మరణించింది.

నల్గొండ జిల్లా పెద్ద అడిశర్లపల్లి మండలం అంగడిపేట స్టేజీ వద్ద గురువారం రాత్రి జరిగిన ప్రమాద ఘటనలో ఇవాళ మరొకరు ప్రాణాలు కోల్పోయారు. ఇప్పటికే 9 మంది మృత్యువాత పడగా... హైదరాబాద్ ప్రైవేటు ఆసుపత్రిలో చికిత్స పొందుతూ వెంకటమ్మ అనే గృహిణి తుదిశ్వాస విడిచారు.

దేవరకొండ మండలం చింతబావి గ్రామానికి చెందిన 20 మంది ప్రయాణిస్తున్న ఆటోను పెద్దఆడిశర్లపల్లి మండలం అంగడిపేట స్టేజీ సమీపంలో లారీ ఢీకొట్టింది. ఈ ప్రమాదంలో ఆరుగురు ఘటనాస్థలిలో, ఇద్దరు హైదరాబాద్‌లో, మరొకరు దేవరకొండ ఆస్పత్రిలో తనువు చాలించారు. క్షతగాత్రుల్లో పలువురి పరిస్థితి విషమించగా... వారికి హైదరాబాద్‌లో చికిత్స అందిస్తున్నారు. తీవ్రంగా గాయాల పాలైన వెంకటమ్మను.. హైదరాబాద్ తరలించినా ప్రాణాలు దక్కలేదు.

సంబంధిత కథనాలు: మాటలకందని విషాదం... చింతబావిలో కన్నీటి సంద్రం!