Mother Who Left Her Baby In The Sun: అమ్మ నేను ఈ భూమి మీదకు రావాలనుకుంటున్నాను. అందరిలాగే నాకు కూడా జీవించాలని ఉందని అంటూ ఓ పసికందు ఏడుస్తుంది.. అయినా నీ మనసు కరగలేదా.. ఎందుకమ్మా ఆడపిల్ల అని తెలియగానే కడుపులోనే తుంచేయాలని చూస్తుంది ఈ సమాజం. నేను ఏం పాపం చేశాను. ఆడపిల్లగా పుట్టడమేనా నేను చేసిన పాపమా. మగ పిల్లాడిలా నాకు కూడా ఈ భూమి మీద జీవించే సమాన హక్కులు ఉన్నాయి. అన్నింటిలోనూ వారిలాగే మేము కూడా రాణించగలుగుతున్నాము. పిల్లలు లేక ఎందరో డాక్టర్లు, పుణ్య క్షేత్రాలు అంటూ తిరుగుతూ ఉంటే.. పిల్లలు పుట్టిన నీకు ఎందుకమ్మా.. ఆడపిల్ల అని తెలియగానే వదిలేయాలని పించింది అంటూ ఏ ఆడపిల్ల రోధిస్తోంది.
ఆడపిల్ల అని తెలిస్తే కొందరి కర్కష తండ్రులు వదిలేయాలని చూస్తారు. కానీ ఇక్కడ అందుకు భిన్నంగా మానవత్వం లేని ఓ తల్లినే ఇలా చేసింది. తాను అమ్మ కాకముందు.. ఆడపిల్లనే కదా నేను అన్న కూడా విషయం మరిచిపోయి ప్రవర్తించింది. నవమాసాలు తర్వాత ఆడపిల్ల పుట్టిందని తెలిసి గుట్టుచప్పుడు కాకుండా వదిలేసి ఎక్కడికో వెళ్లిపోయి.. అమ్మతనానికి చేరగని మచ్చ తెచ్చే విధంగా చేసింది. ఈ విషాదకరమైన గుండెలను పిండేసే ఘటన హైదరాబాద్లోని కుత్బుల్లాపూర్లో అయోధ్యనగర్లో జరిగింది.
జీడిమెట్ల పీఎస్ పరిధిలోని అయోధ్యనగర్లో అప్పుడే పుట్టిన ఆడ శిశివును ఎండలో ఓ ఇంటి కప్పుపై పెట్టేసి మానవత్వం లేని కర్కష తల్లి వెళ్లిపోయింది. ఎండ తాకిడి ఎక్కువగా ఉండడంతో పాప ఏడుస్తుంది. ఈ ఏడుపును విన్న స్థానికులు ఎక్కడి నుంచి వస్తున్నాయో ఆ ఏడుపులు అని చూస్తే ఇంటిపై ఉందని గుర్తించి.. చుట్టుపక్కల ఉన్నవారిని విచారించగా ఎవరికీ తెలియదని చెప్పడంతో దగ్గరలోని జీడిమెట్ల పోలీసులకు సమాచారం అందించారు. వెంటనే అక్కడకు చేరుకున్న పోలీసులు..ఆ ఇంటిపై నుంచి నవజాత శిశువును కిందకు దించారు. షాపూర్నగర్లోని ప్రభుత్వ ఆసుపత్రికి తరలించగా.. పాప పరిస్థితి అప్పటికే విషమంగా మారింది.
ఆక్సిజన్ లెవెల్స్ పడిపోవడంతో మెరుగైన వైద్యం కోసం నగరంలోని నిలోఫర్ ఆసుపత్రికి తరలించారు. అక్కడ చికిత్స పొందుతూ అభంశుభం ఎరుగని చిన్నారి మధ్యాహ్నం మృతి చెందింది. ఎండలో సుమారు నాలుగైదు గంటలు ఏడుస్తూ ఉండడం వల్లే ఆక్సిజన్ లెవెల్స్ పడిపోయి ఊపిరాడక చనిపోయినట్లు పోలీసులు తెలిపారు. ఈ ఘటనపై కేసు నమోదు చేసుకున్న పోలీసులు.. దర్యాప్తును ప్రారంభించారు.
ఇవీ చదవండి:
