సికింద్రాబాద్లోని జవహర్నగర్ పోలీస్స్టేషన్ పరిధిలో ఓ మైనర్ బాలిక అపహరణకు గురైంది. మహబూబ్నగర్ జిల్లా దీరపల్లికి చెందిన కిష్టప్ప... జవహర్నగర్లో మేస్త్రి. జమ్మిగడ్డలో నివాసముంటున్న కిష్టప్ప కూతురు ఆదివారం సాయంత్రం మూడు గంటల నుంచి కనిపించకుండా పోయింది.
ఎంత సమయమైనా బాలిక ఇంటికి రాకపోవటం వల్ల...తెలిసిన చోట్లు వెతికినా లాభం లేకపోయింది. చేసేదేమీలేక పోలీసులకు తల్లిదండ్రులు ఫిర్యాదు చేశారు. అదృశ్యం కేసు నమోదు చేసిన పోలీసులు.. దర్యాప్తు చేస్తున్నారు. అమ్మాయితో ఓ వ్యక్తికి పరిచయం ఉన్నట్లు... అతను తరచూ ఫోన్ చేస్తున్నట్లు పోలీసులకు తల్లిదండ్రులు వివరించారు. అతడే తమ కూతురిని అపహరించి ఉండవచ్చని పోలీసుల ఎదుట అనుమానం వ్యక్తం చేశారు.
