బిట్‌ కాయిన్ల పేరుతో మోసాలకు పాల్పడుతున్న సంతోష్ అనే వ్యక్తిని హైదరాబాద్‌ చాదర్ఘాట్ పోలీసులు అరెస్టు చేశారు. క్రిప్టో కరెన్సీ వ్యాపారం చేస్తున్నామని, తమకు డబ్బులు ఇస్తే అధిక లాభాలు వస్తాయని నిందితుడు పలువురిని నమ్మించి డబ్బులు వసూలు చేశాడు. నెలలు గడుస్తున్నా డబ్బులు ఇవ్వకపోవడంతో.. బాధితులు ఫిర్యాదు చేశారు.
డబ్బులు ఇవ్వకపోగా... అడిగిన వారిపై బెదిరింపులకు పాల్పడుతున్నారని బాధితలు పోలీసుల వద్ద వాపోయారు. కేసు నమోదు చేసిన పోలీసులు సంతోష్ అనే వ్యక్తిని అరెస్టు చేశారు. విశ్రాంత ఉద్యోగులు, వ్యాపారుల నుంచి దాదాపు 38 లక్షలు వసూలు చేసినట్లు పోలీసులు తెలిపారు. సంతోష్ను అదుపులోకి తీసుకుని విచారణ చేపట్టారు. కేసుకు సంబంధించిన మరిన్ని వివరాలను దర్యాప్తు పూర్తయిన అనంతరం వెల్లడిస్తామని పోలీసులు వెల్లడించారు.
ఇదీ చదవండి: SON KILLED FATHER: ఆ సంబంధం తప్పన్నందుకు కన్నతండ్రినే చంపాడు..
