రంగారెడ్డి జిల్లా శంషాబాద్ పరిధిలో ఔటర్‌ రింగ్‌ రోడ్‌పై కారు దగ్ధమైంది. గచ్చిబౌలి వెళ్తున్న కారులో శంషాబాద్ ఎయిర్‌పోర్ట్‌ కాలనీ వద్ద ఒక్కసారిగా మంటలు చెలరేగాయి. వాహనం నుంచి దిగేందుకు ప్రయత్నించిన వ్యక్తి మంటల్లో చిక్కుకొని గాయాలపాలయ్యారు. అటువైపు వెళ్తున్న లారీ డ్రైవర్ గమనించి బాధితుడిని బయటకు తీశారు. పరిస్థితి విషమంగా ఉండడంతో శంషాబాద్‌లోని ప్రైవేట్ ఆస్పత్రికి తరలించారు.
శంషాబాద్ ఓఆర్ఆర్పై కారు దగ్ధం..
మంటల్లో కాలిన వ్యక్తిని తిమ్మాపూర్‌ ప్రాంతానికి చెందిన శ్రీనివాస్‌గా గుర్తించారు. ఘటనా స్థలానికి చేరుకున్న శంషాబాద్ ఎయిర్‌పోర్ట్‌ పోలీసులు కేసు నమోదు చేసుకొని దర్యాప్తు చేస్తున్నారు.
ఇదీ చదవండి: Heavy Floods to Projects : ముంచెత్తుతున్న వానలు.. నిండుకుండలా జలాశయాలు
