Judicial remand to BJP leaders: తెరాస, భాజపా నాయకుల మధ్య శుక్రవారం రాత్రి జరిగిన ఘర్షణల్లో భాగంగా... రాజన్న సిరిసిల్ల జిల్లాలోని వివిధ మండలాలకు చెందిన సుమారు 23 మంది భాజపా నాయకులను పోలీసులు శనివారం సాయంత్రం అరెస్టు చేశారు.
జ్యుడీషియల్ మేజిస్ట్రేటు ముందు హాజరు..
అనంతరం పోలీసులు వీరిని.. సిరిసిల్ల ప్రిన్సిపల్ జ్యుడీషియల్ మేజిస్ట్రేటు ముందు హాజరు పరిచారు. అరెస్టు అయిన వారిని విచారించిన న్యాయమూర్తి... పోలీసులు సరైన నిబంధనలు పాటించకపోవడంతో రిమాండ్ నిరాకరించారు. అనంతరం సరైన నిబంధనలు పాటిస్తూ.. శనివారం అర్ధరాత్రి భాజపా నాయకులను పోలీసులు రిమాండ్కు తరలించారు.
అసలేం జరిగిందంటే..
Yellareddypet attack case: రాజన్నసిరిసిల్ల జిల్లా ఎల్లారెడ్డిపేట మండలం పదిర గ్రామానికి చెందిన బోనాల సాయి ఉపాధి నిమిత్తం వలస వెళ్లాడు. అయితే అతను సామాజిక మాధ్యమాల్లో తెరాసకు వ్యతిరేకంగా పోస్టులు పెడుతున్నాడనే ఉద్దేశంతో అతని ఇంటికి కొంత మంది తెరాస కార్యకర్తలు వెళ్లారు. ఈ విషయం తల్లి తన కొడుకు దృష్టికి తీసుకురాగా బోనాల సాయి పోలీస్స్టేషన్కు ఫిర్యాదు చేయడానికి వెళ్లినట్లు సమాచారం. ఈ క్రమంలో తెరాస జిల్లా అధ్యక్షుడు తోట ఆగయ్యతో పాటు కొంతమంది కార్యకర్తలు పోలీస్స్టేషన్కు రావడంతో ఘర్షణ చోటు చేసుకొంది.
ఇదీ చదవండి:BJP Vs TRS: భాజపా, తెరాస నాయకుల పరస్పర దాడి.. ఎల్లారెడ్డిలో ఉద్రిక్తత
