హైదరాబాద్ ఎస్సార్నగర్ పోలీస్స్టేషన్ పరిధిలోని మధురానగర్లో గుట్టుచప్పుడు కాకుండా డ్రగ్స్ విక్రయిస్తున్న ముఠా గుట్టు రట్టు చేశారు నార్కోటిక్స్ పోలీసులు. ఐదుగురు సభ్యులను అరెస్ట్ చేశారు. నిందితుల వద్ద నుంచి రూ.2 లక్షల విలువ చేసే 36 గ్రాముల మెథంఫెటమైన్ డ్రగ్ను స్వాధీనం చేసుకున్నారు. తదుపరి దర్యాప్తు కోసం నిందితులను ఎస్సార్నగర్ పోలీసులకు అప్పగించారు.
ముఠాలోని ప్రధాన నిందితులైన చెన్నైకి చెందిన విష్ణు, ఏపీలోని కడపకు చెందిన బాలాజీ పరారైనట్లు పోలీసులు తెలిపారు. షేక్పేట వాసి పట్టా జోసెఫ్(22), గచ్చిబౌలి వాసి బాల మణికంఠ(30), కొండాపూర్కు చెందిన సమంతరావు(24), మధురానగర్ వాసులు చింతల సాయిరాం(24), అఖిల్ కుమార్(26)లను అదుపులోకి తీసుకొని విచారణ చేస్తున్నట్లు వివరించారు. మాదకద్రవ్యాల కొనుగోలుకు వచ్చిన 16 మంది వినియోగదారులూ పరారైనట్లు వెల్లడించారు.
ఇవీ చూడండి..
రెచ్చిపోయిన బైక్ రైడర్స్.. ఆర్టీసీ డ్రైవర్పై దాడి
ప్రేమ పేరుతో వేధింపులు.. యువతిపై బ్లేడుతో దాడి.. ముఖానికి 31కుట్లు..
