ఫార్మాకంపెనీలో అగ్ని ప్రమాదం.. కార్మికులంతా క్షేమం

ఓ ఫార్మాకంపెనీలో విద్యుదాఘాతంతో మంటలు చెలరేగిన ఘటన సంగారెడ్డి జిల్లా పాశమైలారం పారిశ్రామికవాడలో జరిగింది. ఈ ప్రమాదంలో కార్మికులంతా క్షేమంగా బయటపడ్డారని పోలీసులు తెలిపారు.

సంగారెడ్డి జిల్లా పటాన్‌చెరు మండలంలోని పాశమైలారం పారిశ్రామికవాడలోని ఓ ఫార్మాకంపెనీలో విద్యుదాఘాతంతో అగ్ని ప్రమాదం జరిగింది. సకాలంలో స్పందించిన సంస్థ యాజమాన్యం రెండు అగ్నిమాపక వాహనాల సాయంతో మంటలను అదుపులోకి తెచ్చింది.

పాశమైలారం పారిశ్రామిక వాడలోని పిల్లెట్స్ ఫార్మా పరిశ్రమలో మంగళవారం రాత్రి స్టోర్‌ విభాగంలో విద్యుదాఘాతంతో మంటలు చెలరేగాయి. చూస్తూ ఉండగానే ఏసీ యంత్రాలు కాలిపోయాయి. ఈ ప్రమాద సమయంలో విధులు నిర్వహిస్తున్న కార్మికులంతా క్షేమంగా బయటపడ్డారని బీడీఎల్ భానూరు పోలీసులు తెలిపారు.

ఇదీ చదవండి: ఇన్​స్టాలో చాటింగ్​... పెళ్లి అనగానే చీటింగ్​