Fake Gold Loan: అన్నం పెడుతున్న సంస్థకే కన్నం వేశారు. నకిలీ బంగారాన్ని తనఖా పెట్టి బ్యాంకు నుంచి లక్షల్లో రుణం పొందారు. హైదరాబాద్ బాలానగర్లోని స్టేట్ బ్యాంక్ ఆఫ్ ఇండియాలో నకిలీ బంగారు ఆభరణాలతో ఓ ఘరానా ముఠా రుణం తీసుకున్న ఘటన ఆలస్యంగా వెలుగులోకి వచ్చింది. గత నెలలో జరిగిన ఈ తతంగంపై పోలీసులు కేసు నమోదు చేసి దర్యాప్తు చేస్తున్నారు.
పక్కా ప్లాన్తో కొట్టేశారు..
చింతల్ ఎస్బీఐ బ్యాంకులో అసిస్టెంట్ మేనేజర్గా పనిచేస్తున్న ఫ్రాన్సిస్ మార్టిన్, ఆయన భార్య పద్మావతి , అప్రైజర్ బ్రహ్మచారి ముఠాగా ఏర్పడి బ్యాంకును మోసం చేశారు. నకిలీ బంగారు ఆభరణాలను అసలు బంగారు నగలుగా పేర్కొంటూ.. గత నెలలో బాలానగర్ ఎస్బీఐ బ్యాంకులో రెండు విడతల్లో రూ.16.22 లక్షల నగదును ఈ ముఠా రుణంగా తీసుకుంది.
అనుమానం వచ్చి విచారిస్తే..
అనంతరం అప్రైజర్ బ్రహ్మచారిపై అనుమానం వచ్చి బ్యాంకు మేనేజర్ మరో ప్రైవేటు అప్రైజర్తో నగలను తనిఖీ చేయించగా.. అవి నకిలీవని తేలింది. దానితో బాలానగర్ పీఎస్లో బ్యాంకు మేనేజర్ ఫిర్యాదు చేయగా.. కేసు నమోదు చేసుకున్న పోలీసులు దర్యాప్తు చేపట్టారు. ఈ ముఠాలో ప్రధాన నిందితుడు ఫ్రాన్సిస్ మార్టిన్.... చింతల్ లోని
ఎస్బీఐ బ్యాంకులో అసిస్టెంట్ మేనేజర్గా పనిచేస్తున్నట్లు పోలీసులు గుర్తించారు.
ఇదీ చదవండి:
