మహబూబాబాద్, జయశంకర్ భూపాలపల్లి జిల్లాల్లో కరెంటు కాటు(electric shock news 2021)కు నలుగురు బలయ్యారు. వీరిలో దంపతులతో పాటు ఒక రైతు, కూలీ ఉన్నారు. మహబూబాబాద్ జిల్లా బయ్యారం మండలంలో శుక్రవారం రాత్రి విద్యుదాఘాతంతో దంపతులు దుర్మరణం చెందారు. జీకేపేట పంచాయతీలోని సింగారం-2 కాలనీకి చెందిన ఆనపర్తి తిరుపతమ్మ(28) స్నానానికి వెళ్లొచ్చి.. తువ్వాలును ఇనుపతీగపై ఆరేసేందుకు ప్రయత్నించారు. అప్పటికే ఆ దండేనికి విద్యుత్ సరఫరా అవుతుండటంతో షాక్ కొట్టి ఆమె కేకలు వేశారు. ఆమెను రక్షించే ప్రయత్నంలో భర్త ఉపేందర్(32) కూడా విద్యుదాఘాతానికి(electric shock news 2021) గురయ్యారు. ఆసుపత్రికి తరలించేలోపే ఇద్దరు ప్రాణాలు కోల్పోయారు. వీరికి ఐదు, ఏడేళ్ల వయసున్న ఇద్దరు అమ్మాయిలున్నారు.
మోటారు బంద్ చేద్దామని వెళ్లి..
మహబూబాబాద్ మండలం సింగారం శివారు ఇస్లావత్ తండా పంచాయతీ పరిధి వెంకట్రామ్తండాకు చెందిన ధరావత్ హరిసింగ్(32) గురువారం సాయంత్రం చెరువు సమీపంలో ఉన్న విద్యుత్ తీగలకు తగిలి మృతి(electric shock news 2021) చెందారు. వ్యవసాయ బావి మోటారును బంద్ చేసేందుకు వెళ్లి ఆయన ప్రమాదానికి గురయ్యారు.
హీటర్ తాకి మహిళా కూలీ..
భూపాలపల్లి జిల్లా కాటారం మండలం అంకుషాపూర్లో సుమత(36) అనే మహిళా కూలీ శుక్రవారం రోజున.. విద్యుదాఘాతంతో మరణించారు. కార్తికపౌర్ణమి పర్వదినం కావడం వల్ల ఇంటిని శుభ్రం చేస్తూ ప్రమాదవశాత్తు విద్యుత్ హీటర్కు తాకి కన్నుమూశారు. కార్తిక పౌర్ణమి రోజున వేర్వేరు ప్రాంతాల్లో నలుగురు మృతి చెందడం.. వారి కుటుంబాల్లో విషాదం నింపింది.
