కిడ్నాప్ అంటే ఎవరు ఎవరిని ఎత్తుకెళ్లారో తెలుసుకోవాలనిపిస్తుంది. అయితే ఇక్కడ మనుషిని కిడ్నాప్ చేయలేదు కాని కుక్కను ఎత్తుకెళ్లారు. ఈ ఘటన నిజామాబాద్లో జరిగింది. నగరంలోని వీక్లీ మార్కెట్కు చెందిన శ్రావణ్ ఏడాది క్రితం (లాబ్ జాతి) కుక్కను కొనుగోలు చేశారు. అప్పటి నుంచి ఆ కుక్కను పెంచుకుంటున్నారు. దీని కోసం రోజూ రూ.200 ఖర్చు చేసేవారు. మంగళవారం సాయంత్రం ఇంటి ఆవరణలోకి వచ్చిన ఓ దుండగుడు దాన్ని అపహరించుకెళ్లాడు. కాసేపటికి గుర్తించిన యజమాని అంతటా గాలించినా ఆచూకీ లభించలేదు.
సీసీటీవీ ఫుటేజ్ పరిశీలించగా.. ఓ వ్యక్తి తీసుకెళ్తున్న దృశ్యాలు రికార్డు అయ్యాయి. ఈమేరకు ఒకటో ఠాణాలో శునకాన్ని కిడ్నాప్ చేసినట్లు యజమాని పోలీస్ స్టేషన్లో ఫిర్యాదు చేశారు. కుక్క కనిపించట్లేదన్న బెంగతో తన కూతురు రెండ్రోజులుగా ఏడుస్తూ భోజనం చేయట్లేదని ఆవేదన వ్యక్తం చేశారు శ్రావణ్. ఎవరికైనా శునకం గురించి తెలిస్తే తమకు, లేదా వన్టౌన్ పోలీసులకు సమాచారం అందించాలని కోరారు. కేసు నమోదు చేసుకున్న పోలీసులు విచారణ చేపట్టారు.
ఇదీ చదవండి: డ్రోన్ల ముప్పుపై ఆర్మీ చీఫ్ కీలక వ్యాఖ్యలు
